Mona
Даша Кастовская (русча: Даша Кустовская, Мона (стиллаштирилгани: МОНА) номи билан танилган; 1996-йил 5-ноябрда туғилган) – россиялик қўшиқчи ва қўшиқнавис бўлиб[2], „Зари“ ва „Чёрная любов“ каби дуэтлари билан машҳурликка эришган[3]. 2017-йилда „Сwедиш Идол“ танловида иштирок этган ва топ 20 таликка кирган.
Мона | |
|---|---|
| Файл:МОНА (руссиан сингер).жпег | |
| Таваллуди |
1996-йил 5-ноябр |
| Жанрлар | Поп |
| Касби | Қўшиқчи, қўшиқнавис |
| Фаолият йиллари | 2019 – ҳозирги кунгача |
| Лейбллар | РААВА Мусиc[1] |
| Фуқаролиги |
 Россия |
.jpeg){kind=link}
Ҳаёти
Даша Кастовская 1996-йил 5-ноябрда Россиянинг Ростов-Дон шаҳрида туғилган. Унинг онаси радио бошловчиси, отаси эса ДЖ бўлган, шу сабабли у болалигидан мусиқага қизиқиб, ушбу соҳага боғлиқ бўлган барча нарсаларни ўрганишга ҳаракат қилган[1]. Дашанинг битта акаси бор. У ҳайвонларга қизиқади ҳамда иккита илон ва битта калтакесак боқади. т. А. Т.у гуруҳинг мухлиси. Интервюларидан бирида „Тҳе Ирон Гиант“, „Тҳе Принcе оф Эгйпт“ ва „Эл Дорадо сари йўл“ мултфилмларини севиб томоша қилишини айтиб ўтган.
Фаолияти
Мусиқий фаолияти
Мона ўзининг дастлабки композицияларидан бири сифатида 2019-йилда „Мамма говорила“ қўшиғини ёзган ва унга видео ҳам суратга олган[4]. Шунингдек, ўша йили унинг „Если би я“ қўшиғи ҳам чиққан.
Хонанда 2022-йилга келиб машҳурликка эриша бошлаган. 2022-йил 25-мартда унинг „Я в нол“ сингли чиққан. 2022-йил июн ойида эса „Ну и че??“ қўшиғининг премераси бўлиб ўтган, ушбу трек учун видеоклип ҳам суратга олинган.
Мона бошқа хонандалар билан ҳамкорликда ҳам бир нечта треклар ёзган. 2022-йилда РААВА МУСИC лейбли хонандаси Элман билан ҳамкорликда „Чёрная любов“ ва „Истерика“ қўшиқларини куйлаган. Иккала қўшиқ учун ҳам видеоклиплар суратга олинган. „Чёрная любов“ қўшиғининг клипи бир йилдан камроқ вақт ичида ЁуТубеда 81 миллиондан ортиқ кўрилган ва 2023-йил август ойи ҳолатига кўра, энг яхши клиплар рўйхатида 32-ўринни эгаллаган. Мона ва Элман 2023-йил июн ойида ҳамкорликдаги яна бир композиция, „Пустиэ вечера“ қўшиғини чиқарган.
Шунингдек, 2023-йилда Андро, Элман, Тони билан биргаликда ёзилган „Зари“ қўшиғи чиққан[5]. Трек 2024-йил июл ойи ҳолатига кўра ЁуТубеда 53 миллиондан кўпроқ томоша қилинган.
2023-йил 14-апрелда россиялик репер Баста билан биргаликда куйланган „Ти так мне необходим“ треки премера қилинган[6], қўшиқ бутун мамлакат бўйлаб хитга айланган.
Мона „МC ТАХИ“ шоусида Элман билан биргаликда „Худи на голоэ тело“, „Не забивай меня“, „Двойник“ қўшиқларини ёзишганини айтиб ўтган[7]. 2024-йил август ойи ҳолатига кўра „Двойник“ треки ҳали чиқарилмаган, қолган икки таронани эса Баста ва Мона биргаликда куйлашган.
Мона 2023-йил 28-июлда ВК Реcордс томонидан Россия халқ артисти, Чеченистон халқ артисти ва Кабардин-Балкария халқ артисти ҳисобланган Валерия Перфилова таваллудининг 55 йиллиги муносабати билан чиқарилган „Трибют Валерии“ мусиқий албомини ёзишда иштирок этган. Албомни ёзиб олиш ишларида Монадан ташқари Холидайбой, Тҳе Лимба, ҲаммАли & Наваи, Мари Краймбрери, Ҳанна ва бошқалар ҳам қатнашишган[8]. Мона Валериянинг ушбу албомга 15-сингл сифатида киритилган „Часики“ қўшиғини куйлаган[9].
Хонанда қўшиқнинг ўз куйлаган версияси ҳақида қуйидагича изоҳ берган[10]:
„Бу ўзгача даъват эди. Афсонавий қўшиқни олиб, унга мутлақо бошқача оҳанг бериш… Қўшиқ лирик тус олди. Менимча, у тубдан ўзгариб кетди“.
2024-йилда ҳам Мона бир нечта янги хитларни чиқарган, улар орасида „Худи“ (Баста билан), „Он тебя селуэт“ (Руки Вверх! ва Элман билан), „Компас“, „Дороже золота“ ва бошқалар бор.
Шоулардаги иштироки
Мона 2022-йил сентабр ойида ЖАРА ТВ Ёутубе каналида Элмира Аббасованинг „Звёздний обзор“ дастурида Элман билан биргаликда меҳмон сифатида иштирок этган[11]. 2023-йил феврал ойида эса ТНТ МУСИC Ёутубе каналининг „МОНОЛОГ“ дастурида чиқиш қилган[12].
2023-йил август ойида Элман ва Мона россиялик репер Бастанинг „МC ТАХИ“ дастурига таклиф қилинган. Шу билан бирга, автомобилда йўлдаги одатий суҳбат шакли ўрнига, ушбу сонда суҳбатдошлар Москва дарёси бўйлаб кетаётган яхта ичида суҳбат қуришган. Мусиқачилар биргаликда ижод тажрибаси, мусиқий режалари ва ижодий ғояларини муҳокама қилишган. Бундан ташқари, Мона иккита қўшиғини ўша жойда премера қилган: „Верю в любов“ ва „Сердсе пацанки“[13].
2023-йилнинг кузида Мона „Аватар“ шоусининг иккинчи мавсумида иштирок этган. У ерда турли жанрлардаги қўшиқларни ижро этиб, финалгача чиқа олган[14].
Дискографияси
| Йил | Сингл | Албом |
|---|---|---|
| 2019-йил | Мамма говорила | |
| 2019-йил | Если би я | |
| 2022-йил | Я в нол | |
| 2022-йил | Ну и че? | |
| 2022-йил | Чёрная любов (Элман билан) | |
| 2022-йил | Истерика (Элман билан) | |
| 2023-йил | Зари (Элман, Тони ва Андро билан) | |
| 2023-йил | Ти так мне необходим (Баста билан) | |
| 2023-йил | Пустиэ вечера (Элман билан) | |
| 2023-йил | Часики (ковер) | Трибют Валерии |
| 2023-йил | Счупено сърсе | |
| 2023-йил | Верю в любов | |
| 2023-йил | Не забивай меня (Баста билан) | |
| 2024-йил | Компас | |
| 2024-йил | Худи (Баста билан) | |
| 2024-йил | Дороже золота | |
| 2024-йил | Цунами (Элдар Жарахов билан) |
Манбалар
- ↑ 1,0 1,1 „МОНА: «Увлечение музыкой началось с моих родителей»“. www.тҳевоиcемаг.ру. Қаралди: 9-август 2024-йил.
- ↑ „Поколение: певица Мона“. www.пеоплеталк.ру. Қаралди: 15-август 2024-йил.
- ↑ „Мона“. www.ласт.фм. Қаралди: 9-август 2024-йил.
- ↑ „МОНА - Мама говорила (Моод Видео)“. www.ёутубе.cом. Қаралди: 14-август 2024-йил.
- ↑ „Андро, ЭЛМАН, ТОНИ, МОНА — Зари“. www.вк.cом. Қаралди: 14-август 2024-йил.
- ↑ „ЭКСКЛЮЗИВ МУЗ-ТВ: МОНА — о работе с Бастой, трибьют-альбоме Валерии и сравнениях“. www.дзен.ру. Қаралди: 14-август 2024-йил.
- ↑ „МC ТАХИ: ЭЛМАН & МОНА“. www.мовер.уз. Қаралди: 14-август 2024-йил.
- ↑ „Инстасамка, Мот и Зиверт перепели Валерию“. www.интермедиа.ру. Қаралди: 15-август 2024-йил.
- ↑ „Трибьют Валерии – МОТ, ИНСТАСАМКА, ХОЛИДАЙБОЙ, Л'Оне, Мари Краймбрери, Амирчик“. www.мусиc.яндех.ру. Қаралди: 15-август 2024-йил.
- ↑ „ЭКСКЛЮЗИВ МУЗ-ТВ: МОНА — о работе с Бастой, трибьют-альбоме Валерии и сравнениях“. www.муз-тв.ру. Қаралди: 15-август 2024-йил.
- ↑ „«ЗВЕЗДНЫЙ ОБЗОР» с Эльмирой Аббасовой /// ЭЛМАН и МОНА“. www.ёутубе.cом. Қаралди: 15-август 2024-йил.
- ↑ „МОНА — про отношения, дурные качества и бывших / МОНОЛОГ“. www.ёутубе.cом. Қаралди: 15-август 2024-йил.
- ↑ „МC ТАХИ: ЭЛМАН & МОНА“. www.ёутубе.cом. Қаралди: 15-август 2024-йил.
- ↑ „МОНА (Дарья Кустовская)“. www.вокруг.тв. Қаралди: 15-август 2024-йил.