Монаниэба
Монаниэба (грузинча: მონანიება, русча: Покаяние) — режиссёр Тенгиз Абуладзе томонидан суратга олинган грузин филми. Филм 1984-йилда суратга олинган. Аммо филмда сталинизмни аллегорик танқид қилгани учун уни чиқариш ва тарқатиш тақиқланган. У илк бор 1987-йилнинг май ойида Канн кинофестивалида намойиш этилган. У ушбу фестивалда ФИПРЕСCИ мукофоти ва Экуменик ҳакамлар ҳай’ати мукофотини қўлга киритди[1]. Филм 60-Оскар мукофотининг „энг яхши чет тилидаги филм“ номинациясида Совет давлати иштирокчиси сифатида тан олинган. Лекин номзод сифатида қабул қилинмаган[2].
| Монаниэба | |
|---|---|
| Режиссёр(лар) | Тенгиз Абуладзе |
| Ролларда | Автандил Махарадзе |
| Дистрибютор | Cаннон филм |
| Премера санаси |
1987-йил, май (Канн) |
| Давомийлик | 153 дақиқа |
| Тил | грузин |
Сюжети
Филм Грузиянинг кичик шаҳарчасида бўлиб ўтади. Шаҳар ҳокими Варлам Аравидзе вафот этади. Уни кўпчилик катта изтироб билан дафн этади. Бироқ дафн маросимининг эртасига ҳокимнинг жасади ўғлининг боғида пайдо бўлиб қолади. Жасадни қайтадан кўмишади. Аммо эртаси куни бу ҳолат яна такрорланади. Бу ҳол бир неча бор такрорлангач, улар қабрни қўриқлашади. Шундан сўнг улар бу ишни ким қилаётганини аниқлайди. Кетеван Баратели исмли аёл жасадини қазиб олгани вабеҳурмат қилгани учун ҳибсга олинади. Аёлнинг айтишича, губернатор Варлам сталинча ҳукмронлик қилган. Шунинг учун у дафн этилишга лойиқ эмас, дейди. Қолаверса, аёл ота-онаси ва дўстларининг ғойиб бўлишида Варламни айблайди. Суд жараёнида Варламнинг ўғли Абел отасига қўйилаётган айбловларни инкор этади ва аёлни ақлдан озганга чиқаришга ҳаракат қилади. Варламнинг набираси Торнике эса, бобосининг қилмишлари ҳақида эшитиб ҳайратга тушади. Охир-оқибат ўз жонига қасд қилади. Шундан сўнг Абелнинг ўзи Варламнинг жасадини шаҳар четидаги қоядан улоқтиради.
Охирида филм торт тайёрлаётган аёл саҳнасига қайтади.
Ролларда
Филмдаги бош ролларда Абуладзе ўзининг баъзи яқинларини ўйнатган.
- Автандил Махарадзе Варлам Аравидзе ва ўрта ёшли Абел Аравидзе ролида
- Дато Кемхадзе Варлам Аравидзенинг ўғли, ёш Абел Аравидзе
- Иа Нинидзе Абелнинг рафиқаси Гулико
- Зейнаб Боцвадзе Кетеван Баратели
- Кетеван Абуладзе Нино Баратели
- Эдишер Гиоргобиани Сандро Баратели
- Кахи Кавсадзе Михаил Корешели
- Мераб Нинидзе Торнике, Абел ва Гуликонинг ўғли
- Нино Зақариадзе Элене Коришели
- Нано Очигава бола, Кетеван
- Борис Ципурия
- Акаки Хидашели
- Лео Антадзе Леван Антадзе
- Резо Эсадзе
- Мзиа Махвиладзе М. Махазадзе
- Амиран Амиранашвили
Релизи
Филм 1984-йилда суратга олинганидан кейин бир марта намойиш этилди. Шундан сўнг уч йил давомида чиқарилмади. 1987-йилда Михаил Горбачёв ташаббуси билан бошланган янги сиёсий муҳитда филм бутун Совет Иттифоқи ва ғарбий мамлакатлардаги кинофестивалларда намойиш этилди. Абуладзе Ленин ордени билан тақдирланган ва Горбачёвга 1988-йилда Ню-Ёркка биринчи расмий ташрифида ҳамроҳлик қилган.
Манбалар
- ↑ „Фестивал де Cаннес: Репентанcе“. фестивал-cаннес.cом. 24 эйлüл 2014да асл нусхадан архивланган. Қаралди: 19 теммуз 2009.
- ↑ Маргарет Ҳерриcк Либрарй, Аcадемй оф Мотион Пиcтуре Арц анд Сcиэнcес