Monomerlar

Мономерлар (моно... ва юн. мерос — қисм) — молекулалари ўзаро таъсирланиб (полимерланиш ёки поликонденсатланиш) ёки бошқа моддаларнинг молекулалари билан реаксияга киришиб полимерлар ҳосил қиладиган қуйи молекулали моддалар. Полимерланишда қатнашувчи кўпчилик М. қуйидаги икки синфдан бирига тааллуқли бўлади: 1) каррали боғлар С=С, С=С, С=О, C=Н ва бошқаларнинг бузилиши натижасида полимерланувчи бирикмалар (олефинлар, диен ва ацетилен углеводородлари, алдегидлар, нитриллар ва ҳоказо); 2) сиклик гуруҳларнинг бузилиши натижасида полимерланувчи бирикмалар, мас, олефин оксидлари, лактамлар, лактонлар. Функсионал гуруҳи бор бўлган бирикмалар (мас, дикарбон кислоталар, аминокислоталар, гликоллар, феноллар, диаминлар) ҳам М. сифатида ишлатилиши мумкин. Сополимерланиш ёки сополиконденсатланиш реаксияларида иштирок этувчи М. сомономерлар деб аталади.