Muhammad bin Yusuf Banno

Муҳаммад бин Юсуф Банно – “Насойим ул-муҳаббат”да зикр этилган тасаввуф шайхи. Куняси – Абу Абдуллоҳ. Исфаҳоннинг йирик шайхларидан, ҳадис илмининг билимдони. Тажрид ва таваккул билан ҳаж сафарини адо қилган. Қурувчилик касби билан кун кечирган. Ҳалол касб орқасидан кун кечиришни тарғиб қилган. Али бин Саҳл Азҳар Исфаҳоний, Али бин Ҳамза Исфаҳоний, Муҳаммад бин Фозанинг устози. Жунайд Бағдодийдан мактуб олиб, мактуб жўнатган. Алишер Навоий “Насойим ул-муҳаббат”га “Нафаҳот ул-унс”дан ушбу шайх ҳақидаги бобни айнан киритган.