Muraveynik
„Муравейник“ (русча: Муравейник, яъни „Чумоли уяси“) — „Кино“ совет рок мусиқа гуруҳи ижро этган қўшиқ. Гуруҳнинг 1991-йил эълон қилинган „Чёрний албом“ номли студиявий албомига еттинчи трек ўлароқ киритилган. „Муравейник“ гуруҳ репертуаридаги энг таниқли тароналарнинг биридир. Қўшиқ матнини ҳам, куйини ҳам гуруҳ хонандаси Виктор Сой ёзган.
| „Муравейник“ | ||||
|---|---|---|---|---|
| „Кино“ қўшиғи | ||||
| Чёрний албом албомидан | ||||
| Чиқарилган санаси | 1991 | |||
| Ёзиб олинган | 1990 | |||
| Жанр | янги тўлқин | |||
| Давомийлиги | 5:18 | |||
| Лейбл | Метадигитал | |||
| Қўшиқ муаллиф(лар)и | Виктор Сой | |||
| „Чёрний албом“ хронологияси | ||||
| ||||
Сой 1990-йилнинг баҳорида қўшиқнинг акустик версиясини ёзиб олган. Бундан олдин узоқ вақт мобайнида ашулани гитарада ижро этиб, такомиллаштирган. Сой ўз ён дафтарида қўшиқни „Я не люблю, когда мне врут“ (русча: Я не люблю, когда мне врут) деб номлаган[1].
„Муравейник“ қўшиғи „Кино“ гуруҳининг 2002-йил чиқарилган „Последние записи“ албомига ҳам киритилган. Албомдан қўшиқнинг икки версияси ўрин олган — албомга 10-трек ўлароқ ашуланинг қора нусхаси, 12-трек ўлароқ 1990-йил ёзиб олинган акустик версияси киритилган.
Қўшиқ танқидчилар томонидан ижобий баҳоланган. Светлана Петрова қўшиқда ўлим ҳақида сўз боришини урғулаган[2]. Унинг фикрича, ашулада шаҳарнинг аниқ лексик образи йўқ, лекин қўшиқда чумоли ини образи ёрдамида шаҳар ҳаёти образлари ҳақида сўз боради. Елена Шаджанова эса қўшиқда аллегория ёрдамида қишлоқ ҳаёти ҳам тасвирланганини хулоса қилган[3]. Унинг фикрича, чумоли халқ ижодидаги образларнинг бири бўлиб, кўпликни ифодалайди. Шаджанова қўшиқда „ўлиб кетади“ (русча: помрёт) феъли ишлатилгани учун ўлим тушунчасининг эмоционал ҳамда услубий туси кичрайтирилганини хулоса қилган. Шунингдек, унинг фикрича, қўшиқда муаллиф яратган бўшлиқда киши ўзлиги йўқолади.
Жамоа
- Виктор Сой — вокал
- Юрий Каспарян — гитара
- Игор Тихомиров — бас-гитара
- Георгий Гурянов — барабанлар
- Юрий Азеншпис — продусер
- Жеан Тахис — микслаш
Манбалар
- ↑ Калгин, Виталий. Виктор Цой и его КИНО. Литрес, 2022 — 579-бет. ИСБН ИСБН 978-5-457-89574-4.
- ↑ Петрова, Светлана „Городской текст в творчестве В. Р. Цоя“. Cйберленинка. Вестник Российского университета дружбы народов. Қаралди: 16-июл 2022-йил.
- ↑ Шаджанова, Елена „Эволюция семантики концепта смерти в рамках когнитивного уровня языковой личности Виктора Цоя“. Cйберленинка. Вестник Костромского государственного университета им. Н. А. Некрасова. Қаралди: 16-июл 2022-йил.