Muxtasar Tohirova
Мухтасар Жаҳонгир қизи Тоҳирова (2000-йил 5-мартда туғилган) — ўзбек спортчиси, ўқ отиш бўйича иштирок этади. Пневматик милтиқдан ўқ отиш бўйича ихтисослашган. Олимпия ўйинлари иштирокчиси саналади.
| Мухтасар Жаҳонгир қизи Тоҳирова | |
|---|---|
| Шахсий маълумотлари | |
| Жинси | Аёл |
| Фуқаролиги |
 Ўзбекистон |
| Таваллуд санаси | 2000-йил 5-март |
| Спорт | |
| Қайси спорт | Ўқ отиш |
| Клуби | “Ватанпарвар” |
Таржимаи ҳол
Мухтасар Тоҳирова 2000-йил 5-мартда туғилган. У рус ва ўзбек тилларини мукаммал билади. У 2010-йилдан ўқ отиш билан шуғуллана бошлади[1][2] .
Спорт фаолияти
У Наманганнинг “Ватанпарвар” клубида иштирок этади. Мухтасарнинг мураббийси Елена Кузнесова бўлади[1][2] .
Мухтасар Тоҳирова 2017-йили ўсмирлар ўртасидаги жаҳон чемпионатида иштирок этган. Ушбу турнир Германиянинг Зуле шаҳрида бўлиб ўтади. Якуний рейтингда у 80-ўринни эгаллади[1] .
Мухтасар 2019-йилда Рио-де-Жанейродаги жаҳон чемпионатининг бир босқичида иштирок этади. Пневматик милтиқдан ўқ отиш бўйича ўзбекистонлик спортчи 103-ўринни, умумжамоа ҳисобида 33-ўринни олишга муваффақ бўлади[1].
2019-йилги Осиё чемпионатида Мухтасар катталар ўртасидаги қит’а чемпионатида дебют қилади. Доҳадаги турнирда ўзбекистонлик спортчи уч йўналиш бўйича баҳслашди. У 10 метрга пневматик милтиқдан отиш бўйича 41-ўринни, 50 метрга пневматик милтиқдан отиш бўйича учта позисиядан 32-ўринни, шунингдек, 10 метрга пневматик милтиқдан ўқ отиш бўйича жамоавий баҳсларда иштирок этиб, 22-ўринни тутади[1].
2021-йилда у Қозоғистондаги халқаро турнирда ғалабага эришади ва CОВИД-19 пандемияси сабабли бир йилга қолдирилган Токио-2020 Ёзги Олимпия ўйинларида ўз мамлакатини ҳимоя қилиш ҳуқуқини олади. Шу билан бирга, у биратўла ўқ отишнинг иккита турига йўлланма олади — бири 10 метрдан пневматик милтиқдан ўқ отиш ва яна бири учта ҳолат бўйича 50 метр масофага милтиқдан ўқ отиш эди[3].
Японияда Мухтасар Тоҳирова пневматик милтиқдан ўқ отиш бўйича саралаш босқичини якунлаб, 622,2 балл билан 33-ўринни эгаллайди[4] .
Унвон ва мукофотлари
Манбалар
- ↑ 1,0 1,1 1,2 1,3 1,4 „Шоотинг ТОКҲИРОВА Мукҳтасар“ (эн). Токё 2020 Олймпиcс. 2021-йил 24-июлда асл нусхадан архивланган. Қаралди: 2021-йил 24-июл.
- ↑ 2,0 2,1 „Мукҳтасар ТОКҲИРОВА“ (эн). ИССФ. 2021-йил 7-майда асл нусхадан архивланган. Қаралди: 2021-йил 24-июл.
- ↑ „Узбекистан завоевал две лицензии на Олимпиаду в Токио по стрелковому спорту“ (ру). ҳттпс://узнеwс.уз. 2021-йил 24-июлда асл нусхадан архивланган. Қаралди: 2021-йил 24-июл.
- ↑ „Ўқ отиш. Тохирова 33-ўринни эгаллади“ (уз). Оламспорт.cом. 2021-йил 24-июлда асл нусхадан архивланган. Қаралди: 2021-йил 24-июл.
- ↑ „Президент Олимпиадада иштирок этган спортчилар ва мураббийларни мукофотлади“. газета.уз. Қаралди: 31-июл 2024-йил.