Nalchik

Налчик (1921-йилдан) – Кабарда-Балкария пойтахти. Катта Кавказнинг шимолий этакларида, Налчик дарёси бўйида жойлашган. Темир йўл стансияси. Аҳолиси 235,7 минг киши (1998). Налчик Кабарда-Балкария саноат маҳсулотининг 50%ини беради. Машинасозлик („Севкавелектрод“, „Телемеханика“ корхоналари, электровакуум, ярим ўтказгичли приборлар, станоксозлик ва бошқа заводлари), рангли металлсозлик, кимё озиқ-овқат, енгил саноатлари ривожланган. Баланд тоғ геофизика илмий тадқиқот институти, 3 олий ўқув юрти (шу жумладан, КабардаБалкария университети), 2 театр, ўлкашунослик, тасвирий санъат музейлари, филармония фаолият кўрсатади. Балнеологик ва тоғиқлимий курорти бор (Налчикдан 3 км нарида, Долинскда 500–550 м баландликда жойлашган). Налчик Шимолий Кавказдаги туризм ва алпинизм марказларидан бири. Налчик 1817-1818-йилларда русларнинг ҳарбий истеҳкоми сифатида вужудга келган.