Ziyosfera

Nikolay Belyayev

Николай Илйич Беляев (русча: Никола́й Ильи́ч Беля́ев; 19-январ (1-феврал) 1903 – 28-октябр 1966) – совет сиёсатчиси, КПСС Марказий Комитети аъзоси (1952 – 1961), КПСС МК Президиуми аъзоси (1957 – 1960), КПСС МК котиби (1955-1958), Қозоғистон Компартияси Марказий Комитетининг биринчи котиби (1957-1960)[1][2].

Николай Илйич Беляев
Қозог`истон Компартияси 1-котиби
Мансаб даври
1956-йил 26-декабрдан – 1960-йил 16-январгача
Ўтмишдоши Иван Яковлев
Вориси Динмуҳаммад Қўнаев
Ставропол компартияси 1-котиби
Мансаб даври
1960-йил 28-январдан – 25-июнгача
Ўтмишдоши Иван Лебедев
Вориси Фёдор Кулаков
Шахсий маълумотлари
Таваллуди 19-январ 1903-йил
Уфа
Вафоти 28-октябр 1966-йил(1966-10-28)
(63 ёшда)
Москва
Сиёсий партияси Коммунист

Биографияси

Уфа вилояти, Бирский тумани, Кутерем қишлоғида деҳқон оиласида туғилган. 1919-йилда Калегино қишлоғидаги олий бошланғич мактабни тугатган. Шу йили комсомолга қўшилди ва Бошқирдистондаги биринчи бошланғич комсомол ташкилотларидан бирининг ташкилотчиси бўлди. 1919-1922-йилларда Бошқирд Автоном Совет Социалистик Республикасида комсомол ва касаба уюшмаларида фаолият юритди. Калегинский волости ва Бирский туман комсомол қўмиталари мас’ул котиби бўлди[3]. 1921-йилдан Бутуниттифоқ Коммунистик партияси (болшевиклар) аъзоси.

1925-йили Г. В. Плеханов номли Москва халқ хўжалиги институтини тамомлаган[4].

1925-йилдан Ғарбий Сибирда хўжалик ва кооперация ишларида: Қишлоқ хўжалиги кооперацияси туман уюшмалари кенгаши раиси, трактор маркази бошлиғи, Сибир колхоз уюшмаси раисининг ўринбосари. Ғарбий Сибирда коллективлаштириш ва у билан боғлиқ қатағонларда фаол қатнашган.

1939-йилдан – Новосибирск вилоят партия қўмитасининг озиқ-овқат саноати бўйича котиби, раиснинг биринчи ўринбосари, Новосибирск вилоят истеъмолчилар уюшмаси раиси. 1940-йилдан – Бутуниттифоқ Коммунистик партияси (болшевиклар) Новосибирск вилоят қўмитасининг озиқ-овқат саноати бўйича котиби[5]. 1941-1943-йилларда Новосибирск вилоят ижроия қўмитаси раисининг биринчи ўринбосари.

1943-йилдан Олтой области ижроия қўмитаси раиси, вилоят партия қўмитасининг биринчи котиби[6]. Улуғ Ватан урушининг якуний босқичида ва урушдан кейинги даврда вилоят иқтисодиётини тиклаш ва ривожлантириш, вилоятда лалми ерларни ўзлаштириш ишларига раҳбарлик қилган. Бу даврда Олтой ўлкасининг иқтисодиёти сезиларли ўзгаришларга дуч келди: у асосан қишлоқ хўжалигидан йирик саноат минтақасига айланди, Барнаул, Бийск ва Рубцовск муҳим саноат марказларига айланди.

1946-йилдан бошлаб СССР Олий Кенгашининг иккинчи ва бешинчи чақириқларида қатнашиб, депутат этиб сайланди.

1952-йилдан 1961-йилгача КПСС Марказий Комитети аъзоси[7]. 1955-йил 12-июлдан 1958-йил 12-ноябргача КПСС Марказий Қўмитасининг котиби, 1956-йил 27-февралдан 1957-йил 29-июнгача КПСС Марказий Қўмитасининг РСФСР бўйича бюроси раисининг ўринбосари бўлиб ишлаган. 1957-йил 29-июндан 1960-йил 4-майгача – КПСС Марказий Қўмитаси Президиуми аъзоси.

1957 йил декабрдан – Қозоғистон Коммунистик партияси Марказий Қўмитасининг биринчи котиби. 1959 йил Темиртаудаги қўзғолон муносабати билан 1960 йил январ ойида у КПСС Ставропол области қўмитасининг биринчи котиби лавозимига ўтказилди ва ўша йили пенсияга юборилди.

1966-йил 28-октябрда вафот этган. Москвадаги Новодевичий қабристонига дафн этилган[8].

Манбалар

  1. ↑ . 
  2. ↑ Известия ЦК КПСС, 7 (306) (1990-йил 1-июн).
  3. ↑ Залесский К.А.. Империя Сталина. Биографический энциклопедический словарь., Вече, Москва, 2000. 
  4. ↑ Известия ЦК КПСС, 7 (306) (1990-йил 1-июн).
  5. ↑ Известия ЦК КПСС, 7 (306) (1990-йил 1-июн).
  6. ↑ Залесский К.А.. Империя Сталина. Биографический энциклопедический словарь., Вече, Москва, 2000. 
  7. ↑ Залесский К.А.. Империя Сталина. Биографический энциклопедический словарь., Вече, Москва, 2000. 
  8. ↑ Известия ЦК КПСС, 7 (306) (1990-йил 1-июн). 
"https://new.ziyosfera.uz/ziyo/19914441" dan olindi