Nikolay Evert
Николай Аполлонович Эверт (1878-йил 6-декабр, Сирдарё вилояти, Россия империяси – 1915-йил 15-июл, Австрия-Венгрия империяси) – рус ҳарбий қўмондони, Биринчи жаҳон уруши қаҳрамони.
| Николай Аполлонович Эверт | |
|---|---|
| Таваллуди |
6-декабр, 1878-йил Сирдарё вилояти, Россия империяси |
| Вафоти |
15-июл, 1915-йил, (36 ёш) Австрия-Венгрия империяси |
| Фуқаролиги | Россия империяси |
| Унвони | Полковник |
Биографияси
Николай Аполлонович Эверт – 1878-йил 6-декабр куни Россия империясига қарашли бўлган Сирдарё вилоятида зодагон оиласида туғилган. Унинг отаси генерал-лейтенант Аполлон Ермолаэвич Эверт бўлган. Николай Эверт 1889-йили Оренбург ҳарбий мактабини, 1901-йил эса Александр номидаги ҳарбий мактабни муваффақиятли тамомлади.
1904-йил 20-ноябрда Николай Эвертга лейтенант унвони берилди ва Миргород қўшинлари таркибига қабул қилинди. У 1908-йил 10-октябрда капитан унвонини олишга эришди. 1909-йил 30-октябрда Киев ҳарбий билим юртига кичик офицер лавозимида ишлашни бошлади. 1911-йил 21-сентябрда инфантерия генерали лавозимига тайинланди. Николай Эверт 1914-йил 15-июлда 2-Киев ҳарбий билим юрти командирларни тайёрлаш гуруҳи раҳбари лавозимига тайинланди.
Биринчи жаҳон уруши бошланиши билан 1914-йил 26-октябрда подполковник унвонини олди. Кейин эса, Россия Империясидаги 138-ҳарбий баталёнга қўмондонлик қилиш учун юборилди. У ерда Николай Эверт аскарлари билан биргаликда Семпихово-Боровинй қишлоғини душманларлардан сақлаб қолишди.
Вафоти
1915-йил 15-июлда ҳозирги Полша давлати яқинидаги Камионка шаҳарчаси атрофидаги аҳолини душман қўшини ҳужумидан асраб қолишга жанг қилаётган пайт ҳалок бўлди.
Подполковник Николай Эвертнинг жасади 26-июл куни Киевга етказилди. Калачов ва Гаврилов бошчилигидаги Киев ҳарбий мактаби ўқувчилари Николай Эвертнинг хотирасига ҳурмат бажо келтириб, Асколд қабрига дафн этишган[1].
Мукофотлари
Россия Императорининг 1916-йил 1-мартдаги буйруғи билан 4-даражали Авлиё Георгий ордени билан тақдирланган[2][3].
Манбалар
- ↑ Киэвлянин, № 204. – 27 июля 1915 года. – С. 3.
- ↑ „Эверт, Николай Аполлонович :: Документы о награждениях :: Первая мировая война :: Орден Святого Георгия“. гwар.мил.ру. 2022-йил 5-январда асл нусхадан архивланган. Қаралди: 2020-йил 22-октябр.
- ↑ „Эверт, Николай Аполлонович :: Убит. Именные списки потерь.“. Қаралди: 8-сентабр 2023-йил.