Ziyosfera

Nikolay Sergiyenko

Николай Николаевич Сергиенко (русча: Сергиенко, Николай Николаевич; 1978-йил 30-сентябрда туғилган) – рус миллатига мансуб, ўзбекистонлик ва россиялик собиқ профессионал футболчи. Фаолияти давомида асосан ярим ҳимоячи позициясида ўйнаган.

Николай Сергиенко
Шахсий маълумот
Тўлиқ исми Николай Николаевич Сергиенко
Таваллуд санаси 1978-йил 30-сентябр (1978-09-30) (48 ёш)
Таваллуд жойи Когон, Ўзбекистон ССР
Бўйи 166 cм (5 фт 5 1⁄2 ин)
Амплуаси Ярим ҳимоячи
Ёшлигида аъзо бўлган клублар
Локомотив
Профессионал фаолияти*
Йиллар Жамоа Ишт. (Гол.)
1997—1999 Бухоро 78 (21)
2000 Шинник Ярославл 16 (2)
2001 Бухоро 9 (2)
2001 Сибур-Химик Дзержинск 14 (4)
2002—2006 Сибир Новосибирск 104 (19)
2006 Металлург Новокузнецк 19 (4)
2007—2008 Амур Благовешченск 45 (12)
2009—2012 Челябинск 86 (13)
Миллий терма жамоа
1999 Ўзбекистон 1 (0)
*Профессионал клублардаги голлари (ички чемпионат)

Футболчилик фаолияти

Клуб

Сергиенко олти ёшидан футбол билан шуғулланишни бошлаган, биринчи мураббийи Шамил Таибович Максумов. 15 ёшидан бошлаб Ўзбекистон биринчи лигасида иштирок этган „Локомотив“ клубининг асосий жамоаси ўйинларида иштирок этган. 1997-йилда вилоятнинг асосий жамоаси, "Бухоро" клубига ўтган. Бухоро клуби таркибида уч мавсум давомида ўйнаган ва 20 дан ортиқ гол урган.

2000-йилда Ярославлнинг „Шинник“ жамоасига кўчиб ўтган. Шинник жамоасига ўтишида унга Россия биринчи дивизионида тўп сурган ўзбекистонлик мураббий Геннадий Иванов ҳамда „Бухоро“ ва „Шинник“ клубининг собиқ футболчиси Муҳсин Муҳаммадиевлар тавсия беришган. „Шинник“ жамоасида ўйнаган даврида асосий таркибга кира олмаган. Мавсум якунлангач, Николай Ўзбекистонга қайтиб келган ва кейинги олти ойни Бухоро жамоаси таркибида ўтказган.

2001-йил август ойида яна Россия чемпионатига, Сибур-Химик (Дзержинск) жамоаси таркибига ўтган. Николай кейинчалик асосан Россия иккинчи дивизионида иштирок этган клублар; Чкаловец / Сибир (Новосибирск), Металлург-Кузбасс (Новокузнецк), Амур (Благовешченск), „Челябинск“ жамоаларида ўйнаган. У профессионал фаолиятини 2012-йилда якунлаган.

Ўзбекистон олий лигасида жами 87 та ўйин ўтказиб, 23 та гол урган, Россия биринчи дивизионида 51 ўйинда ва 7 гол, Россия иккинчи дивизионида 234 ўйинда ва 37 гол муаллифи бўлган. Сергиенко майдонда узоқ масофадан кучли ва аниқ зарба бериш, аниқ пас бериш қобилияти билан ажралиб турган.

Миллий жамоадаги фаолияти

1990-йиллар охирида Ўзбекистон ёшлар ва олимпия терма жамоалари ўйинларида иштирок этган.

Ўзбекистон миллий терма жамоаси сафида 1999-йил 11-июлда Малайзияга қарши ўйиннинг 64-дақиқада Николай Ширшовнинг ўрнига майдонга тушди[1]. Бу Николайнинг терма жамоа таркибидаги ягона ўйини бўлиб қолган.

Шахсий ҳаёт

Унинг Кубанда туғилган ва ҳайдовчи бўлиб ишлаган, онаси эса Донецк вилоятида туғилган. Алена ва Галина исмли иккита опа-синглиси ҳам бор.

Николай 1999-йил охирида оила қурган[2][3].

Манбалар

  1. ↑ Узбекистан 3 : 0 Малайзия
  2. ↑ „Ветерани „Крилев“ виступили в финале Кубка России“. 2019-йил 29-январда асл нусхадан архивланган. Қаралди: 2022-йил 18-сентябр.
  3. ↑ „В-Й ЛЮБИТЕЛСКИЙ ТУРНИР ПО ФУТБОЛУ СРЕДИ БАНКОВСКИХ СОТРУДНИКОВ“

Ҳаволалар

"https://new.ziyosfera.uz/ziyo/19914441" dan olindi