Nineviya

Ниневия (Нинуа, Нинн) — қад. Оссуриядаги шаҳар (ҳозирги Ироқдаги Мосул шаҳри яқинида). Милоддан аввалги тахминан 5-минг йилликда асос солинган. Милоддан аввалги 3-минг йилликдан миххат ҳужжатларида қайд этилган. Савдо йўллари кесишган ерда жойлашгани учун Олд Осиёнинг тарихида муҳим рол ўйнаган. Милоддан аввалги ИХ асрдан оссурий шоҳлари қароргоҳи. Ниневиянинг юксалиши ва равнақ топиши, уни Оссурия давлати ва "жаҳон"нинг пойтахтига айланиши милоддан аввалги ВИИИ—ВИИасрларга оиддир (Синахериб ва унинг ворислари даврида). Ниневиянинг шимолий қисмида Синахерибнинг "жануби-ғарбий саройи" ва ички қисми деворлари ҳарбий, ов ва маиший сақналарни акс эттирган жуда кўплаб барелефлар билан безатилган. Ашшурбанипалнинг ҳашаматли "шимолий саройи" жойлашган. Аш-шурбанипал саройида давлат архиви ва подшоҳ. кутубхонаси бўлган. Кутубхонада 20 мингдан зиёд "китоб" — миххат сопол жадвалчалар бўлган. Ниневияга Аллоҳ Юнус алаҳиссаломни пайғамбар қилиб юборган. (милоддан аввалги 3-минг йилликдан бошлаб қайд этилган) ва подшоҳ Асархаддон саройи қурилган. Милоддан аввалги 612 йил Ниневия Янги Бобил подшоси Набопаласар ва Мидия подшоси — Киаксар томонидан ер билан яксон қилинган. Римликлар Ниневия ўрнида Cлаудиа Нинус ҳарбий колонияси (манзилгоҳи)ни барпо этганлар. Н. ҳаробалари Куюнжик шаҳар ҳаробасида ўтказилган археологик қазишмалар натижасида аниқланган.