Ziyosfera

Numon Satimov

Нумон Юнусович Сатимов (15-декабр 1939-йил, Андижон — 22-сентябр 2006-йил, Тошкент) — Совет ва ўзбек математиги, физика-математика фанлари доктори[1], Ўзбекистон Фанлар академияси академиги, Беруний номидаги Ўзбекистон Республикаси давлат мукофоти лауреати (1985). Дифференсиал тенгламалар назарияси, бошқарув назарияси ва уларни қўллаш соҳалари бўйича мутахассис[2][3][4].

Нумон Юнусович Сатимов
Таваллуди 15-декабр 1939-йил
Андижон, ЎзССР
Вафоти 22-сентябр 2006-йил(2006-09-22)
(66 ёшда)
Тошкент, Ўзбекистон
Истиқомат жойлари ЎзССР
Фуқаролиги ЎзССР — Ўзбекистон
Соҳаси Математик, физика-математика фанлар доктори
Таълими Ўрта Осиё давлат университети
Мукофотлари

Ҳаёти

Нумон Сатимов 1939-йил 15-декабрда[5] Андижон шаҳрида ишчи оиласида туғилган.

1956-йилда Ўрта Осиё давлат университетининг физика-математика факултетига ўқишга кирди. 1958-йилда Михаил Василевич Ломоносов номидаги Москва давлат университетининг механика-математика факултетида ўқишни давом эттирди. 1962-йилда у университетни тамомлаб Математика институти қошидаги аспирантурага ўқишга кирди.

1968-йилда Нумон Сатимов профессор Болтянский Владимир Григоревич раҳбарлигида номзодлик диссертациясини ҳимоя қилди. 1977-йилда эса профессор Василий Мишенко раҳбарлигида у докторлик диссертациясини ҳимоя қилди[6] (Стеклов номидаги математика институтининг ихтисослаштирилган кенгашида). 1978-йилда Нумон Сатимовга профессор унвони берилган. 1979-йилда у Ўзбекистон ССР Фанлар академияси мухбир аъзоси, 2000-йилда Ўзбекистон Республикаси Фанлар академияси академиги бўлди[6].

1968-йилдан Нумон Юнусович Тошкент Давлат университетида ишлаган. 1971-йилдан у профессор Сатимов ЎзМУ Амалий математика ва механика факултети кафедра мудири; 1974—1976-йилларда Стеклов номидаги математика-механика институтида катта илмий ходим бўлиб ишлади. 1985—1987-йилларда Амалий математика ва механика факултети декани. 2000-йилдан Нумон Сатимов Математика институтида етакчи илмий ходим бўлиб ишлади[7].

Нумон Юнусович Сатимов 2006-йил 22-сентябрда вафот этди. Тошкентдаги Чиғатой қабристонига дафн этилган.

Илмий қизиқишлар

Унинг асосий ишлари дифференсиал тенгламалар назарияси, бошқарув назарияси ва уларни қўллаш соҳаларига тегишли. Назорат назарияси ва дифференсиал ўйинлар бўйича Тошкент илмий мактабига асос солган. 35 йилдан ортиқ вақт давомида у томонидан ташкил этилган „Оптимал жараёнлар ва дифференциал ўйинлар“ тадқиқот семинарига раҳбарлик қилди.

У дифференциал тенгламалар бўйича дарслик, 2 та монография[8][9], 180 дан ортиқ илмий мақолалар нашр этган, уларнинг аксарияти АҚШ ва Буюк Британиядаги журналларда таржима қилинган ва нашр этилган. Унинг раҳбарлигида саккизта докторлик ва йигирмадан ортиқ номзодлик диссертациялари тайёрланди.

Манбалар

  1. ↑ ҳттп://www.матҳнет.ру/рус/персон18076
  2. ↑ „Сатимов, Н. Ю“. збМАТҲ.
  3. ↑ Бородин А. И., Бугай А. С.. Выдающиеся математики, 1987 — 461-бет. 
  4. ↑ „Ранее состоявшиеся члены Академии Наук РУз“. Академия Наук РУз.
  5. ↑ „Персоналии: Сатимов Нуман Юнусович“. www.матҳнет.ру. Қаралди: 9-июн 2019-йил.
  6. ↑ 6,0 6,1 ҳттп://www.матҳнет.ру/пҳп/арчиве.пҳтмл?wшоw=папер&жрнид=де&паперид=2020&оптион_ланг=рус
  7. ↑ Академик Н. Ю. Сатимов // Узбекский Математический Журнал : Журнал. — 2006. — 2 Октябрь (№ 4). — С. 108.
  8. ↑ Сатимов Н. Ю., Рихсиев Б. Б.. Методы решения задачи уклонения от встречи в математической теории управления. Ташкент: "ФАН" АН РУз, 2000. ИСБН 5-648-02716-8. 
  9. ↑ Сатимов Н. Ю.. Управляемые динамические системы и их приложения. Ташкент: Ташкентский Государственный Университет, 1987.  
"https://new.ziyosfera.uz/ziyo/19914441" dan olindi