Odilbek Rustamov

Зиёсферада исми Одилбек ва фамилияси Рустамов бўлган бошқа кишилар ҳақида ҳам мақолалар мавжуд.

Одилбек Рустамов (1895 — Андижон — 1968) — созанда (сурнай, ноғора), меҳтар, Рустам меҳтар Юсуфализоданинг ўғли. 1927—60 йилларда (турли вақтларда) Андижон театрида ишлаб, ёш хонанда, созанда, раққос(а)ларга таълим берган. Бузрук, Сегоҳ, Дугоҳ, Ироқ мақомларининг сурнай йўлларини, шунингдек, "Адоий", "Мискин", "Гул ўйин" каби оммабоп рақс куйларини маҳорат билан ижро этган. Ўзбекистон радио қўмитаси (1956) ва Санъацҳунослик илмий тадқиқот институтида (1963) Рустамов ижросида 70 дан ортиқ куй ёзиб олинган.