Oleksandr Kovalenko
Олександр Мйколаёвйч Коваленко (украинча: Олександр Миколаёвич Коваленко; 1935-йил 9-май — 2021-йил 29-июн) — украиналик иқтисодчи ва сиёсатчи. У 1990-1991- йилларда фаолият юритиб, Украинанинг илк молия вазири лавозимини эгаллаган. Коваленко шу орқали мамлакат молиявий тизимини шакллантириш ва иқтисодий бошқарувни йўлга қўйишда муҳим рол ўйнаган[1].
| Олександр Коваленко | |
|---|---|
| Украинанинг илк Молия вазири | |
|
Мансаб даври 1990-йил 24-август – 1991-йил 29-октябр | |
| Президент | Леонид Кравчук |
| Ўтмишдоши | лавозим таъсис этилган |
| Шахсий маълумотлари | |
| Таваллуди |
9-май 1935-йил Мивка, Токмак тумани, Запоризҳзҳиа вилояти, Украина Совет Социалистик Республикаси (Украина ССР), Совет Иттифоқи |
| Вафоти |
29-июн 2021-йил (86 ёшда) Кйив, Украина |
| Касби | иқтисодчи ва сиёсатчи |
| Маълумоти | Одеса Миллий Иқтисодиёт Университети |
Биографияси
Ҳаёти ва таълими
Коваленко 1932-йил 22-мартда Украина СССРнинг Новолюбимивка қишлоғида туғилган. У 1964-йилда Одеса халқ хўжалиги институтини тамомлаган[2]. Ҳарбий авиация мактабини тамомлагач, у 1953-йилдан 1958-йилгача Совет Армиясининг авиация бўлинмаларида хизмат қилган[3].
Молия вазири лавозимига тайинланишидан олдин Коваленко бир қатор турли лавозимларда ишлаган. У 1958-йилдан бошлаб Запоризҳзҳиа вилоятидаги Токмак туман ижроия қўмитасида инспектор ва давлат даромадлари бўйича катта инспектор сифатида фаолият юритган. Кейинчалик 1965-йилда Приморе ўлкаси ижроия қўмитаси раисининг ўринбосари ҳамда молия бўлими раҳбари лавозимларида ишлаган. 1969-йилда эса у Украина Коммунистик партиясининг Приморе ўлка қўмитасида иккинчи котиб ҳамда Запоризҳзҳиа вилоят молия бошқармаси бошлиғи ўринбосари бўлган. 1974-йилда Украина Коммунистик партияси Марказий Қўмитасининг режалаштириш ва молия органлари бўлимида инструктор сифатида фаолият юритган. 1976-йилда Черкасй туман ижроия қўмитасининг молия бўлими бошлиғи этиб тайинланган. 1986-йилда эса Украина ССР Молия вазирининг биринчи ўринбосари лавозимига кўтарилган[4][3].
Карераси
Коваленко 1990-йил 2-августда Украина Молия вазири этиб тайинланди. 1991-йил 29-октабрда эса соғлиғи ёмонлашгани сабабли вазирлик лавозимидан озод этилди. Унинг кўп йиллик молия соҳасидаги самарали фаолияти ва эришган ютуқлари учун у „Ҳурмат белгиси“ ордени ҳамда иккита медал билан тақдирланган[3]. Кейинчалик у 1991-йилнинг октабридан 1992-йилнинг апрелига қадар Украина аксиядорлик тижорат банки бошқаруви раисининг биринчи ўринбосари лавозимида фаолият юритди. 1992-йилнинг апрелидан 1996-йилнинг майигача ушбу банкнинг бошқаруви раиси лавозимига кўтарилди. Фаолиятининг якуний босқичида эса Украина аксиядорлик тижорат банки бошқаруви раиси ўринбосари ва ишлар бошқарувчиси лавозимларида меҳнат қилди[4][5].
Вафоти
Коваленко 2021-йил 29-июн куни Киев шаҳрида 85 ёшида вафот этди. Украина Вазирлар Маҳкамаси унинг оила аъзолари ва яқинларига чуқур ҳамдардлик билдирди[3].
Мукофотлари
Фаолияти давомида у қуйидаги фахрий унвон ва мукофотлар билан тақдирланган[4][3]:
Ҳурмат белгиси ордени (1981)- Украинада хизмат кўрсатган иқтисодчи унвони.
Манбалар
- ↑ Сало, Иван Васйлʹовйч. Формуванни︠а︡ и розвйток дерз︠ҳ︡авности, экономикй та наукй Украïнй (ук). ВАТ "Сумсʹка обласна друкарни︠а︡", 2003 — 342-бет. ИСБН 978-966-589-666-1.
- ↑ Імена України: біографічний щорічник (ук). Фенікс, 1999 — 188-бет.
- ↑ 3,0 3,1 3,2 3,3 3,4 „Памяті Олександра Коваленка“. Урядовий Кур’єр. Қаралди: 2023-йил 19-март.
- ↑ 4,0 4,1 4,2 „Довідка: Коваленко Олександр Миколайович“. довидка.cом.уа. Қаралди: 2023-йил 19-март.
- ↑ Хто є хто в Україні (ук). К.И.С., 1997 — 222-бет. ИСБН 978-966-7048-03-7.