Ombur

Омбур — мих суғуриш, нарсаларни қисиб ушлаш, эгиш, қирқиш учун ишлатиладиган икки жағли асбоб. Ясси жағли, думалоқ жағли, ўткир жағли, гажомбур (жағлари бир томонга эгилган), нўғайдўз (этикдўзлик ва кавушдўзликда ишлатиладиган), қаламгир (темирчиликда ишлатиладиган), нов О. (жағининг ўртаси новсимон, тақачилар ишлатади) ва бошқа хиллари бор. Баъзи станокларда омбур станокнинг бир қисми ва-зифасини ўтайди. Турли-туман донали юкларни кўтаришда юк омбури ишлатилади. Материални (мас, симни) ҳам эгиб, ҳам қирқиб, ҳам қисадиган (мон-тёрлар ишлатадиган) универсал омбурлар ҳам бор. Металлургия, металлсозлик, дурадгорлик, темирчилик, заргарлик, монтёрлик ва бошқа соҳаларда, уй-рўзғорда ишлатилади; 2) электротехникада юқори волтли линияларда ток кучи ва электр кучланишини ўлчайдиган асбоб. Каллаги ферромагнит ўзакдан иборат. Унда индуктивлик ғалтаги жойлашган.