Onabibi Azizova

Онабиби Азизова
Таваллуди	1918-йил; Урганч тумани, Хоразм вилояти
Вафоти	Номаълум
Фуқаролиги	СССР
Касби	Қишлоқ хўжалиги ходими, пахтакор
Унвони
Мукофотлари

Онабиби Азизова (1918-йил, Урганч тумани, Хоразм вилояти, Ўзбекистон ССР, СССР — ?) — пахтакор, Урганч тумани Сталин номидаги колхоз звеноси бошлиғи бўлиб ишлаган, Социалистик Меҳнат Қаҳрамони (1957)^[1]. Меҳнат фаолиятини „Победа“ колхозида бошлаган. У кўп минг килограммчилар ҳаракатига қўшилиб, чевар теримчилар қаторига ўтган^[2]. Онабиби Азизова бошчилигидаги звено пахта ҳосилдорлигини гектар бошига 50—54 сентнерга (1955—1956) кўтаришган. У пахтадан рекорд ҳосил етиштирганлиги учун бир неча марта Бутуниттифоқ Халқ Хўжалиги Ютуқлари Кўргазмасининг олтин ва кумуш медаллари билан мукофотланган.

Манбалар

↑ Музалевский М. В. Герои Социалистического Труда. Биобиблиографический словарь., Т. 2. (Рус тилида), Москва: РИЦ «Кавалер», 2008 — 200-бет.
↑ ЎзСЕ 1971, с. 179

Ўзбек Совет Энсиклопедияси, И том, Тошкент: ЎзСЕ Бош редаксияси, 1971 — 632-бет.