Ortikon

Ортикон (юн. ортҳос — тўғри ва экион — тасвир) — ёруғлик сигналларини электр импулсларига айлантириб бе-радиган узатувчи телевизион трубка. Америка муҳандислари А. Роз ва Х. Ямс таклиф қилишган (1939). Узатилаётган тасвир О. нишонига, яъни — обект томондан ярим шаффоф электр ўтказувчи қатлам (сигнал пластинка) билан, электрон прожектор томондан майда доначали фотоактив қатлам (мозаик фотокатод) билан қопланган юпқа шиша пластинкага проексияланади. Ҳосил бўлган ёруғлик сигнали пластинка занжирида видеосигналга айланади. О. ёри-тилганлик етарли бўлмаган шароитда тасвирларни телевидение орқали уза-тишда ишлатилади. Анча такомиллашган О. суперортикон деб аталади.