Palingenez

Палингенез (юн. палин - яна, қайта) — организм эмбриогенезида такрорланадиган мазкур тур филогенезига мое келадиган жараёнлар. "Палингенез" терминини немис олими Э. Геккел (1866) биогенетик қонун тамойилларида таклиф этган. Палингенезга мисол қилиб (Геккел бўйича) юксак умуртқалилар эмбрионида улар аждодларини вояга етган даври учун хос бўлган, ҳозирги тубан хордалилар ва тубан умуртқалиларда ҳам мавжуд бўлган эктодерма ва энтодерма, нерв найи, хорда, жабра ёйлари, жабра ёриқлари, айириш органларини келтириш мумкин. Палингенез филогенетик ўзгаришларнинг йўналиши тўғрисида хулоса чиқаришга имкон беради. Геккел кўрсатишича, сеногенез (организмнинг эмбрион ёки личинка ривожланадиган махсус муҳитга мосланиши) Палингенез изчиллигини бузади.