Palingenezis

Палингенезис, палингенез (юн. палин — қайта, яна ва генесис — келиб чиқиш, туғилиш) — Ернинг чуқур қатламларидаги магматик тоғ жинсларининг қисман ёки тўла эриб магмага айланиш жараёни. "П." термини фанга финландиялик геолог Я. Сёдерхолм томонидан киритилган (1907 йил). Геотектоник шароитга қараб П.га учраган тоғ жинсларининг чўкиш ёки қатламларнинг бир-бирининг остига силжиш жараёнлари фарқ қилинади. Палинген магманинг Ер юзи яқинига кўтарилиши ороген интрузивлар ва диапир-плутонлар пайдо бўлишига олиб келади.