Parashyut

Парашют (пара... ва франсузча парачуте — „қулашга қарши“) атмосферада қулаётган обектни ҳаво қаршилиги ёрдамида секинлаштирувчи мосламадир. Парашутлар енгил, қаттиқ матодан тайёрланади (ипак, нейлон каби). Парашут обект вертикал тезлигини камида 75% га камайтириши лозим, акс ҳолда фойдаланиш мумкин эмас. Парашутлар ёрдамида осмондан ерга турли юклар, масалан, одам, улов, озиқ-овқат, бомба, фазовий капсулалар туширилади.Юқоридан (мас, самолётдан) тушаётган одам ёки юк тезлигини атмосфера қаршилиги ҳисобига камайтирадиган аппарат. Леонардо да Винчи П. ғоясини илмий асослаб берган. ХВИИИ асрда франсуз Ж. Монголфе оддий П. билан минорадан сакраган. Ҳозирги авиация П.ини Россияда биринчи марта Г.Е.Котелников яратган (1911). П. гумбаз ва осма тизимлардан ибо-рат (расм). Самолётдан сакраш, бориш қийин бўлган жойларга юк ташлаш, ёнғиндан муқофаза хизматчиларини ўрмоннинг ёнаётган жойларига тушириш; махсус ҳаво-десант қўшинлари ва ҳарбий техникани ташлаш ва бошқа мақсадларда ишлатилади. Шунга кўра, қутқарув, қўндирув, тормоз ва спорт П.лари каби хилларга бўлинади. П. пишиқ матодан тайёрланади.

Вертолёт ёки самолётдан сакрашда ишлатиладиган П.лар парашютчи томонидан тортиш ҳалқасини бевосита тортиш йўли билан ёки сакровчининг иштирокисиз очилади. Юк ташлат П.лари одам иштирокисиз очилади. Бунинг учун махсус тизимча бўлиб, бир учи самолётга, иккинчи учи тортиш ҳалқасига маҳкамлаб қўйилади. Парашютчи самолётдан тизимча узунлигича узоклашиши билан ҳалқа тортила-ди ва П. гумбази очилади. П. гумбазининг юзаси 0,01 дан бир неча минг м2 гача бўлиши мумкин. П.нинг тушиш тезлиги 1–5 м/с; 2) лифт шахтасида бош арқон узилиб кетган ёки тормоз ишламай қолган хрлларда, шунингдек, клет йўл қўйилган тезликдан тез тушганда уни ушлаб қолувчи курилма.