Parchinlash

Парчинлаш — лист металл ҳамда прокат материаллардан ясаладиган конструксия элементларидан парчин михлар ёрдамида ажралмас бирикма ҳосил қилиш. Парчин мих — тана ва каллакдан иборат маҳкамлаш детали. П. қуйидаги амалларни ўз ичига олади: парчин мих ўрнини очиш (пармалаш ёки ўйиш); парчин михнинг яширин каллагига уя очиш (зенкерлаш ёки штамплаш); парчин михни тешикка ўрнатиб, иккинчи томонидан каллак ҳосил қилиш (пресслаш ёки уриш). П. болғалар, пресслар ва автоматлар ёрдамида бажарилади. П. болғаси — зарб берувчи пневматик машина. Парчин михда каллак ҳосил қилиш учун ишлатилади.

П. машинаси парчинлаш пресслари ваавтоматларигабўлинади. П. прессларида парчин михнинг иккинчи каллаги ҳосил қилинади. Парчин мих танаси икки штамп орасига ўрнатилади. Машина пуансони (зарб бериш детали) бир марта юрганда штамп бир ёки бир нечта парчин михни парчинлайди. П. автоматларида барча операциялар; буюмлар сиртини текислаш, уларни си-қиш, тешик пармалаш ва зенковкалаш, парчин мих ўрнатиш, П., буюмни сил-житиш ва бошқа бажарилади; бунда меха-низмлар автоматик тарзда бошқарилади. П.да қўлланадиган парчин михларнинг ярим доиравий, яширин, силиндрик, конус каллакли хиллари бор. Уларнинг ўлчамлари давлат стандартларида белгилаб қўйилади. Стандарт парчин михлардан ташқари махсус: найчали, портловчи ва бошқа парчин михлар қўлланади. Пўлат, мис, латун, алюминий ва бошқа материалдан тайёрланади. Парчин мих материали бириктириладиган деталлар материали билан бир хил олинади.

П. кемасозлик, вагонсозлик, самолёцозлик ва бошқа соҳаларда қўлланади. Сандиқсозликса сандиқнинг юз томо-нига гулли нақш чиқариш, тунука билан ишлаш ҳам П. дейилади.