Parvin Ardalan
Парвин Ардалан (форсча: پروین اردلان; 1967-йилда Теҳронда туғилган) келиб чиқиши курдлардан бўлган Эроннинг етакчи аёллар ҳуқуқлари фаоли, ёзувчи ва журналист[1]. 2007-йилда Эронда гендер тенглиги йўлидаги кураши учун Олоф Палме мукофоти билан тақдирланган[2].
Фаолияти
1990-йилларда Ардалан Нушин Аҳмадий Хуросоний билан бирга Аёллар маданият марказини (Марказ-э Фарҳанги-е Занан) ташкил этган. Шундан бери ушбу ташкилот Эрондаги аёллар муаммолари бўйича фикр шакллантириш, уларни таҳлил қилиш ва ҳужжатлаштириш маркази ҳисобланади[3]. 2005-йилдан бери ташкилот Эрондаги аёллар ҳуқуқлари ҳақида илк онлайн журнал ҳисобланмиш „Занестан“ журналини нашр этиб келмоқда. Ардалан эса ушбу журналда муҳаррир сифатида фаолият олиб боради. Нашр никоҳ, фоҳишалик, таълим, ОИТС ва аёлларга нисбатан зўравонлик масалаларини ёритиб келган.
Бир миллион имзо кампанияси
Ардалан „Бир миллион имзо“ кампаниясининг асосчиларидан бири ҳисобланади[4]. Ушбу кампания аёллар учун тақдим этиладиган тенг ҳуқуқлар, жумладан, аёлларга қарши камситувчи қонунларни ўзгартириш орқали бир миллион имзо тўплашга ҳаракат қилган. Кампания доирасида Ардалан зўравонлик билан бостирилган норозилик намойишларида ҳам иштирок этган. 2007-йилда у Нушин Аҳмадий Хуросоний билан бирга аёллар ҳуқуқлари учун курашганлиги сабаб „миллий хавфсизликка таҳдид“ айби билан 3 йилга озодликдан маҳрум этилган. Кейинчалик яна 4 нафар аёллар ҳуқуқлари фаоли ҳам худди шундай жазога ҳукм қилинган.
Фуқаролиги
2012-йилда Швеция Миграция агентлиги Ардаланнинг Швецияда доимий яшаш ҳуқуқини олиши бўйича қарор қабул қилган. Ардалан Швецияга бундан 3 йил аввал кўчиб борган[5].
Мукофотлари
- Олоф Палме мукофоти (2007-йил)[2].
Манбалар
- ↑ „Тҳе Олоф Палме Призе 2007“. 2014-йил 11-сентябрда асл нусхадан архивланган. Қаралди: 2008-йил 15-апрел.
- ↑ 2,0 2,1 „Палме Призе то Ираниан Wомен'с Ригҳц Аcтивист“. Ҳулиқ.cом (2008-йил 14-феврал). Қаралди: 2008-йил 4-май.
- ↑ Уллберг, Сара. „Палмепристагаре стоппадес пå флйгет“ (Сwедиш) (2008-йил 8-март). Қаралди: 2008-йил 4-март.[сайт ишламайди]
- ↑ Чанге фор Эқуалитй, Оффиcиал сите оф Оне миллион сигнатурес cампаигн[Усурпед!]
- ↑ „Парвин Ардалан фåр станна и Свериге - култур & нöже | СВТ.се“. 2012-йил 30-мартда асл нусхадан архивланган. Қаралди: 2012-йил 27-март.