Pentanlar

Пентанлар, С5Н|2 — тўйинган уг-леводородлар. Мол. м. 72,146. Учта изо-мери бор: нормал пентан СН3(СН2)3 СН3 ("—П.), изопентан (СН3)2СНСН2 СН3 (2-метилбутан) ва неопентан (СН3)4С (2,2-диметилпропан, тетраметилметан). н-П. ва изопентан — ўзига хос ҳидли, рангсиз, ёнувчан суюкликлар, неопентан — газ. н-П.нинг суюқланиш температураси — 129,72°; қайнаш температураси 36,07°; зичлиги 626 кг/м3. Изопентаннинг суюқланиш температураси — 159,89°; қайнаш температурасм 27,85°; зичлиги 620 кг/м3. Неопентаннинг суюқланиш температураси —16,55°; кайнаш температураси 9,5°; зичлиги 591 кг/м3. П. газ конденсатлари, нефт, нефтни қайта ишлаш маҳ-сулотлари таркибида бўлади ва бу маҳ-сулотлардан ректификация усули билан ажратиб олинади. Табиий газдан оли-надиган бензин таркибидан 40% гача техник П. ("-П. ва изопентаннинг 1:1 нисбатдаги аралашмаси ҳамда қўшимча сифатида 2% гача неопентан) бўлади. н-П. изопептан, пентенлар, амил спиртлар ва уларнинг эфирлари, амилфенол ва бошқа олишда, шунингдек, эри-тувчи сифатида ишлатилади. Изопентан — юқори октанли бензинлар ком-поненти. Техник изопентан (зичлиги 620 кг/м3, мотор усули бўйича октан сони 90) бензинларнинг октан сонини ошириш ва тетраэтилқўрғошин қўллашни камайтириш мақсадида 15% гача қўшилади.