Perikardit

Перикардит — пердикарднинг яллиғланиши. Одамда (ҳамма ёшдаги кишиларда) ўткир ва сурункали бўлади. Ўткир перикардит кўпинча ревматизм, шунингдек, ўпканинг крупоз яллиғланиши, грипп, ангина, сепсис каби юқумли касалликлар туфайли рўй беради (инфексион перикардит). Миокард инфарқти, уремия, кўкрак жароҳатланганда ҳам перикардит пайдо бўлиши мумкин (ноинфексион перикардит). Сурункали перикардит сил касаллиги оқибатида келиб чиқади, кўпинча плевра ва қорин пардасининг бир вақтда яллигланиши билан ўтади. Юрак халтасида суюклик бор-йўқлигига қараб П.нинг қуруқ, экссудатли ва ёпишқоқ (облитератив) шакллари фарққилинади. Қуруқ перикардитда перикардда ишқаланишга ўхшаш товуш эшитилади. Гавда температураси бир оз кўтарилиб, юракдаги оғриқ унинг атрофига ва орқага тарқалади. Бемор йўталганда, нафас олганда оғриқ зўраяди. Экссудатив перикардит серозли, йирингли, геморрагик бўлиши мумкин. Бунда бемор ўнг қовурғаси остида кучли оғриқ сезади, нафаси қисилиб, энтикади, жигари шишади. Кўпинча беморнинг юзи керкиб, бўйин томирлари кенгаяди. Ёпишқоқ перикардитда, аксарият, пери-карддаги суюклик сўрилгач, перикарднинг ички ва ташқи варақлари бир-бирига ёпишиб қолади. Бунда юрак орқали қон айланиши бузилади.

Давоси: Перикардитга сабаб бўлган асосий касалликка қарши дорилар берилади. Йирингли, экссудатли перикардитда антибиотиклар буюрилади. Перикардса суюклик кўп бўлса, игна санчиб тортиб олинади. Ёпишқоқ перикардит операция қилиб даволанади.