Peter Debye

Петер Жосепҳ Wиллиам Дебе (1884.24.3, Маастрихт — 1966-йил, 11-феврал, Итака, АҚСҲ) — голланд физиги ва физиккимёгари. 1940-йилдан АҚШда. Берлин университети (1935-йилдан) ва Итака (АҚСҲ)даги Корнелл университети профессор (1940-йилдан). Илмий ишлари қаттиқ жисмларнинг квант назариясига оид (қаттиқ жиемнинг Дебе модели, Дебе темпатураси, Дебе иссиқлик сиғими қонуни). Қутбли ва қутбсиз эритувчилар эритмаларидаги молекулаларнинг дипол моментларини текшириб (1912), дипол моменти назариясига асос солган. Э. А. Хоккел билан бирга кучли электролитлар назарияси (Дебай — Хоккел назарияси)ни ишлаб чиққан (1923). Поликристалл материалларнинг ички тузилишини рентген нурлари ёрдамида ўрганиш усули (Дебе—Шеррер усули)ни ишлаб чиққан. Комптон эффектини тушунтирган, ултратовушда дифраксия ҳодисасини аниқлаган, полимерларнинг тузилишини текширган. Қаттиқ жисмлар, атомлар, электролитлар ўтказувчанлиги ва бошқаларга оид асарлар муаллифи. Нобел мукофоти лауреати (1936).

Адабиётлар

• ЎзМЕ. Биринчи жилд. Тошкент, 2000-йил