Ziyosfera

Petr Denchev

Петр Юрий Денчев (булғорча: Петър Юрий Денчев; 1989-йил 16-март, Пловдив) – болгариялик футболчи, дарвозабон.

Карера

Петр Денчев профессионал фаолиятини 2007-йилда Болгариянинг иккинчи дивизиони Пловдивнинг „Спартак“ жамоасида бошлаган ва клубда 2008-йилнинг ўрталарига қадар ўйнаган. Денчевнинг дебюти 2007-йил 3-ноябрда „Шумен“ жамоасига қарши ўйинда бўлиб ўтган.

2008—2009-йилги мавсумда „Сливен“ таркибида Болгария олий дивизионида дебют қилган, икки мавсумни шу клубда ўтказган. Кейин эса олий дивизионда "Черно Море[1], „Локомотив“ (Пловдив) [2] ва „Нефтохимик“ (Бургас) ва биринчи дивизионда „Спартак“ (Варна) клубларида ўйнаган.

2014-йилнинг иккинчи ярмида „Навбаҳор“ сафида Ўзбекистон чемпионатида иштирок этиб, 11 та ўйинда иштирок этган.

Болгарияга қайтиб, биринчи дивизионда „Нефтохимик“ ва „Левски“ (Карлово) жамоаларида ўйнаган. 2017-йилнинг баҳорида „Локомотив“ (Горна-Оряховица) сафида олий дивизионда иккита ўйин ўтказган[3], лекин биринчи лигага тушиб кетганидан кейин жамоани тарк этган[4]. 2017—2018-йилги мавсумда „Амвриссеас“ сафида Грецияда ўйнайган.

2008-йилги ёшлар ўртасидаги Европа чемпионатида (19 ёшгача) Иван Караджовнинг ёрдамчиси бўлган, бу турнирда Болгария жамоаси сўнгги ўринни эгаллаган. 2009-йилда Болгария ёшлар терма жамоаси сафида битта расмий ўйин ўтказиб, ёшлар ўртасидаги Европа чемпионати саралаш турнирида швециялик тенгдошларига қарши ўйинда 60-дақиқада Иван Киревни алмаштирган[5].

Манбалар

  1. ↑ „Черно море привлече Петър Денчев“ (Булгариан). гонг.бг. Қаралди: 2010-йил 23-июн.
  2. ↑ „Локо (Пд) подписва с Шмайхела, вратарят пътува към Варна“ (Булгариан). топспорт.бг. 2013-йил 21-январда асл нусхадан архивланган. Қаралди: 2013-йил 16-феврал.
  3. ↑ „Локо Горна Оряховица се раздели с Цецо Генков и още четирима, взе вратар“ (Булгариан). гонг.бг (2016-йил 28-декабр). 2017-йил 4-сентябрда асл нусхадан архивланган. Қаралди: 2018-йил 11-январ.
  4. ↑ „Решение СТК 07.07.2017 г“ (Булгариан). бфунион.бг (2017-йил 7-июл). 2017-йил 29-августда асл нусхадан архивланган. Қаралди: 2018-йил 11-январ.
  5. ↑ „СWЕДЕН У21 ВС. БУЛГАРИА У21 2 — 1“. 2018-йил 11-январда асл нусхадан архивланган. Қаралди: 2018-йил 11-январ.

Ҳаволалар

"https://new.ziyosfera.uz/ziyo/19914441" dan olindi