Piretroidlar

Пиретроидлар — инсектицидлар, сиклопропанкарбон комбината ҳосиларига мансуб кимёвий бирикмалар гуруҳи. П.нинг нисбатан кичик норма ва паст консентрацияли иш суюқлигини кўпгина зарарли ҳашаротларга қарши қўллаганда юқори самарага эришиш мумкин. П. ғўза ва сабзавот экинлари зараркунандаларига қарши курашда истиқболли препаратлардан ҳисобланади. Ўзбекистон ўсимликларни ҳимоя қилиш институтида ўтказилган тадқиқотлар натижасига кўра қўллаш учун рухсат этилган препаратлар рўйхатига П.дан амбуш, децис, сумицидин, сим-буш, рипкорд, данитол, сумиалфа, талстар, карате киритилган.

Жуда кўп зараркунандаларга таъсир қилиш хусусиятига эга. Капалаклар, қўнгизлар, қандалалар, пашшалар, ўсимлик битлари, каналар ва оққанотларга қарши қўлланганда яхши самара беради. Ғўзада, асосан, ғўза тунлами, кузги тунлам, ўсимлик битлари, қан-далалар ва оққанотларга қарши кураш учун тавсия этилган. Сарф нормаси 0,4–1 кг/га; иш суюқлиги 200—300 л/га. Ўртача заҳарли.