Piroplazmoz

Пироплазмоз — қорамол, от, чўчқа ва итларда учрайдиган инвазион касаллик. Пиропласма туркумига мансуб қон паразитлари келтириб чиқаради. Қўзғатувчиси оралиқ хўжайин иштирокида унинг қизил қон таначалари ва ички паренхиматоз органларида кўпаяди. П.ни яйлов каналари тарқатади. Мавсумий касаллик. Касалланган ҳайвонда иситма, сариклик, камқонлик ва қон сийиш каби белгилар пайдо бўлади. Эчки ва қўйларда бабезиоз билан бир вақтда кечади. Ташхис қонни лаб. текширувларига кўра қўйилади.

Даволаш: флавакридин, пиро-плазмин, гемоспоридин, беренил, ази-дин ва бошқа дори-дармонлар билан даволанади.