Polimeriya

Полимерия (юн. полймереиа — кўп мураккаблик) — генларнинг ўзаро таъсири типларидан бири. Полимерияда бир белгининг ривожланиши бир хилда таъсир этувчи 2 ва ундан ортиқ, аллел бўлмаган генларга боғлиқ. Полимерия 1909-йилда швед олими [Н.Г. Нилсон-Эле] томонидан кашф этилган. Хўжалик нуқтаи назаридан қимматли бўлган белгилар масалан: ғўзанинг бўйи, тола чиқими, тола узунлиги, кўсагининг оғирлиги, чигитининг ёғлилиги ва бошқа белгилари Полимерия типида ирсийланади. Шартли равишда кумулятив ва нокумулятив Полимерия ажратилади. Кумулятив Полимерияда белгининг фенотипда кучли ёки кучеиз намоён бўлиши генотипда иштирок этадиган доминант аллелларнинг сонига боғлиқ. Миқдорий белгилар кумулятив Полимерия типида ирсийланади. Нокумулятив Полимерияда белгининг фенотипик намоён бўлиши доминант аллеллар сонига боғлиқ эмас. Доминант белгининг намоён бўлиши учун генотипда биргина доминант аллелнинг бўлиши кифоя. Биокимёвий даражада Полимерия асосида белгининг ривожланишига таъсир қилувчи биосинтез реаксиялари ётади.