Polisomalar

Полисомалар (поли... ва юн. сома — тана), полирибосомалар — оқсил синтезининг транслясия бос-қичида информацион РНК (иРНК) молекуласида кетма-кет жойлашиб олган рибосомалр мажмуи. П.даги ҳар бир рибосома битта оқсил молекуласини синтезлайди. Шунинг учун П. сони хужайрада оқсил биосинтези жадаллигининг кўрсаткичи ҳисобланади. П. эн-доплазматик тўр найчалари мембраналари билан боғланган бўлиши (боғланган рибосомалар) ёки гиалоплазмада эркин жойлашиши (эркин рибосомалар) мумкин. Боғланган рибосомаларда ҳужайрадан ташқарига чиқариладиган оқсиллар, эркин рибосомаларда эса ҳужайранинг ўз фаолияти учун зарур бўлган оқсиллар синтезланади. Оқсил синтези тугалланга-нидан кейин П. иРНК молекуласидан ажралиб, ситоплазмага тушади (яна қаранг Рибосомалар, Биосинтез).