Prostata bezi
Простата бези (юн. простатус — олдинда турувчи), простата — эркак жинсий аъзосидаги ток, без. Кичик чаноқ бўшлиғида қовуқ остида бўлиб, қовуқ бўйинчаси ва сийдик чиқариш каналининг бошланғич қисмини ўраб туради. Простата бези без ва мускул қисмдан иборат. Без қисм уруғ суюлтирадиган суюқлик (секрет) ажратади. Бу суюклик спермага қўшилиб, сперматозоидларни фаоллаштиради. Мускул қисм эса сийдик чиқариш каналининг сфинктери (мускул қисқич) ҳисобланиб, шаҳват ва сийдик чиқишини ростлаб туради, шунинг учун шаҳват ва сийдик аралашиб кетмайди.
Простата безининг орқа юзаси тўғри ичакка тегиб туради, шунга кўра, врач тўғри ичакка бармоғини киритиб безнинг турли касалликларини аниқлайди. Простата безининг яллиғланиши простатит деб аталади.[1]
Простата физиологияси:
Простата бези ажратган суюқлик таркибида иммуноглобулин,ферментлар, витаминлар,лимон кислотаси ва бошқалар мавжуд. Бу суюқлик шаҳватни суюлтиришда қатнашади. Простата функсияси гипофиз бези гормонлари,андрогенлар,эстрогенлар,ҳамда стероид гормонлар томонидан бошқарилади.
Простата функсияси:
- Шаҳват таркибида бўлган суюқлик ишлаб чиқариш
- Жинсий таранглик пайтида сийдик ё'лини ёпиб клапан вазифасини о'тайди.
Манбалар
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |