Psixotrop moddalar

Психотроп моддалар, нейро лептик моддалар, нейролептиклар — кишининг психик фаолиятига таъсир этадиган дорилар гуруҳи; улар эс-ҳушни бузмай, алахлаш, галлюцинация ва психозга хос бошқа белгиларни йўқотади. Нерв касалликлари ва психик касалликларни даволашда қўлланади. Таъсир этишига кўра нейролептиклар (аминазин), анксиолитиклар (седуксен ва бошқалар), психостимуляторлар (фенамин ва бошқалар), антидепрессантлар (амитриптилин) ва ҳоказоларга бўлинади.