Ptoz

ПТОЗ (юнонча птосис — тушиш) — кўз мускулларининг фалажланиши натижасида юқори қовоқнинг салқиб тушиши. Туғма ёки ҳаётда орттирилган бўлади. Туғма птоз кўпинча, наслдан-наслга ўта-ди, деярли ҳамма вақт иккала кўз қовоғи салқийди. Юқори қовоқни кўтарувчи мускулнинг ривожланмай қолиши туғма птоз га сабаб бўлади. Ҳаётда орттирилган птозда, кўпинча, битта кўз қовоғи салқийди. Птознинг бу хили кўзни ҳаракатлантирувчи ҳамда симпатик нервлар билан иннервацияланадиган мускуллар фалажланиши натижасида рўй беради. Птозни даволашда унга сабаб бўлган омиллар бартараф этилади. Птоз термини қайси аъзонинг номига қўшиб айтилса, шу аъзонинг тушиши тушунилади (буйрак птози ёки нефроптоз ва ҳоказо).