Pungi
Пунги — битта таёқчали капсулали пуфлама чолғу асбоби. Ҳиндистонда анъанавий мусиқа ижро этишда ва илон ўйнатиш амалиётида қўлланади.
Тузилиши
Асбоб муштукли ва иккита найчали резонатор камерадан иборат — мелодик ва бурдон. Резонатор қуритилган қовоқдан, найчалар эса бамбукдан қилинган. Тилчалари (қамишлар) от қили, сомон ёки бошқа материаллардан тайёрланган. Ҳар бир найчанинг алоҳида тилчаси бор.
Чалиш техникаси
Бурдон найча ёрдамида фақат битта узун нота ижро этилади, у мелодик найчада чалинган асосий куйга жўр бўлиб хизмат қилади.
Пунга паузасиз чалинади, бунинг учун узлуксиз нафас олиш техникаси қўлланади: ҳаво бурунга сўрилади ва бир вақтнинг ўзида лунж ёки тилнинг ҳаракати билан оғиз орқали тез чиқарилади.
Қўшимча фактлар
- „Пунги“ сўзи оддийгина „қувур“ деган маънони англатади.
- Бу асбоб тумба, маҳуди, бин[1]. деб ҳам аталади.
Манбалар
- ↑ „Пунги, Нагасваранам, Шенаи“. 2015-йил 7-февралда асл нусхадан архивланган. Қаралди: 2015-йил 6-феврал.
Адабиётлар
- „Пунги“, Музыкальные инструменты. Энциклопедия. М.: Дека-ВС, 2008 — 459—460-бет.