Purkash

Пуркаш — қишлоқ хўжалиги экинлари ҳамда ўрмонзорларни зараркунанда, касалликлар ва бегона ўтлардан ҳимоя қилишда махсус пуркагичлар билан пестицид эритмаларини сепиш, шунинг-дек, дефолиация ва десикация қилиш усули. П. учун турли хил препаратларнинг сув ёки бошқа эритувчилардаги эмулсия ва суспензияларидан фойдаланилади. П. учун олинган суюкликлар барқарор ва ёпишқоқ бўлиши, ишлов берилган сатҳни бир текисда ҳўллаб тарқалиши керак. Суюқ препаратларнинг ёпишқоклиги ва сатхда ушланиб туриш даражасини ошириш учун уларга ҳар хил мойлар (қурийдиган глицеридлар, калсий сулфати ва бошқалар) қўшилади. П. муддатлари зараркунанда ва касаллик қўзғатувчиларнинг биологик хусусиятлари ҳамда об-ҳаво шароитига қараб белгиланади. П. чангитишга нисбатан бир қатор афзалликларга эга: ишлов берилган сатхда препаратнинг бир текисда тақсимланиши ва ёпишиб ушланиб туришини таъминлайди; об-ҳаво шароитларига камроқ боғлиқ бўлади. Кучли шамол пайтида П. мумкин эмас, препарат четга учиб, муҳитнинг ифлосланишига сабаб бўлади; ҳаво ҳарорати 27° дан юқори бўлганда П. ўсимликларни куйишга олиб келади. Шунинг учун П.ни эрта билан ёки кечки салқинда ўтказиш тавсия этилади. Иссиқиқлим шароитида самолётлар билан кичик ҳажмли П.ман қилинади.

Султон Алимуҳамедов.