Pust vsegda budet solnse

„Пуст всегда будет солнсе“ (русча: Пусть всегда будет солнце, яъни „Ҳар доим бўлсин қуёш“) (Солнечний круг (русча: Солнечний круг, яъни „Қуёш айланаси“) деб ҳам номланади) — рус бастакори Аркадий Островский шоир Лев Ошанин шеърига басталаган болалар қўшиғи. Қўшиқни илк бор 1962-йил „Радио-1“ бутуниттифоқ радиоканалида эфирга узатилган „С добрим утром!“ (таржимаси „Хайрли тонг!“) дастурида Майя Кристалинская ижро этган. Тамара Миансарова „Пуст всегда будет солнсе“ қўшиғини ижро этганидан кейин тарона янада кўпроқ танилган. Қўшиқ Совет Иттифоқи бўйлаб пионерлар лагерларида ҳамда мактаб йиғинларида куйланган.

„Пуст всегда будет солнсе“
Майя Кристалинская қўшиғи
Чиқарилган санаси	1962
Ёзиб олинган	1962
Қўшиқ муаллиф(лар)и	Лев Ошанин
Бастакор(лар)	Аркадий Островский

Ошанин қўшиқ матнини рассом Николай Чарухиннинг „Пуст всегда будет небо! Пуст всегда будет солнсе!“ (таржимаси „Ҳар доим осмон бўлсин! Ҳар доим қуёш бўлсин“) деб ёзилган плакатидан илҳомланиб ёзган. Чарухин эса, ўз навбатида, плакатни тўрт яшар Костя Баранников ёзган тўрт мисра шеърдан илҳомланиб чизган. Бу кичик шеър 1928-йил К. Спасскаянинг „Родной язик и литература в трудовой школе“ (таржимаси „Меҳнат мактабида она тили ва адабиёт“) журналида эълон қилинган болалар психологияси ҳақидаги мақоласида келтирилган бўлган. Мисралар кейинчалик рус шоири Корней Чуковскийнинг „От двух до пяти“ (таржимаси „Иккидан бешгача“) деб номланган шеърий тўпламига киритилган. Чарухин айнан шу китобдан илҳомланиб плакатини чизган.

1968-йил швед хонандаси Бжöрн Улваэус ўзининг „Ҳоотенаннй Сингерс“ гуруҳи билан „Пуст всегда будет солнсе“ мелодияси асосида инглиз тилида „Габриэлле“ қўшиғини куйлаган. Мазкур версия денгиз саёҳати ва айрилиқ ҳақида бўлиб, Скандинавия мамлакатларида хитга айланган. Қўшиқ „Ҳоотенаннй Сингерс ИИ“ албомига киритилган. Унда „Габриэлле“ қўшиғи муаллифлари ўлароқ Стиг Росснер ва Бенгт Тҳомас кўрсатилган. „Ҳоотенаннй Сингерс“ гуруҳи таронани швед, немис, фин, италян, нидерланд тилларида ҳам куйлаган.

Қўшиқни Том Боттинг инглизчага, Илсе ва Ҳанс Наумилкат ҳамда Манфред Стреубел немисчага, Ҳелжо Мäнд эстончага („Олгу жääв меиле пäике“), Гиди Корен эса ивритчага („אלוהים שמור על אמא“) ўгирган. Шунингдек, қўшиқ Финландияда пионерлар орасида „Паистаа ауринко аина“ номи билан танилган. Хонанда Раффи эса қўшиқни инглиз, испан ва франсуз тилларида куйлаб, ўзининг „Летъс Плай“ албомига киритган.

Ҳаволалар

• Майя Кристалинская ижросидаги версия ЁуТубеда (1968)
• Тамара Миансарова ижросидаги версия ЁуТубеда (1962)
• „Ҳоотенаннй Сингерс“ ижросидаги „Габриэлле“ қўшиғи ЁуТубеда