Quruqlik

Қуруқлик — Ер юзасининг денгиз ва океанлардан холи бўлган қисми. Майдони 149,1 миллион км², бутун ер юзининг 29,22% ни ташкил этади. Қуруқлик материк (Шимолий Америка, Жанубий Америка, Африка, Евросиё, Антарктида, Австралия), орол ва ярим ороллардан иборат бўлиб, Ер шарида нотекис тақсимланган. Шимолий яримшарда қуруқлик 39% бўлса, Жанубий яримшарда 19%. Ғарбий яримшарнинг кўп қисми сув, Шарқий яримшарнинг катта қисми эса қуруқликдан иборат. Материкларнинг денгиз тагида давом этган ва чуқурлиги 200 м гача бўлган қисмлари ҳам қуруқлилларга киритилади. Чунки уларнинг тектоник тузилиши Қ.никига ўхшайди. Қуруқлик абадий эмас, Ер пўстининг аста-секин пасайиб бориши натижасида денгиз остига тушиши ёки аста кўтарилиб денгиз ҳудудлари қуруқликка айланиши мумкин. Мас, Ўрта Осиё ҳудуди палеозой эраси бошларида денгиз остида бўлган ва 20 миллион йил илгари қуруқликка айланган.