Radiointerferometr

Радиоинтерферометр [радио…, интерфер(енсия) ва метр] — турли физик катталикларни ўлчашда ишлатиладиган асбоб. Иши радиотўлқинлар интерференсиясига асосланган. Радиоастрономик кузатишлар учун мўлжалланган. Бир-биридан маълум масофада жойлашган ва кабел, тўлқинўтказгич ёки ретранслясион алоқа линияси билан боғланган икки ёки ундан ортиқ антеннадан иборат. Радионурланиш манбаидан чиқаётган сигналларни антенна қабул қилиб, умумий қабул қилгич қурилмага узатади, у ерда сигналлар қайд қилинади. Р. радионурланиш манбаининг координаталарини топишда, нурланишларнинг фазода таксимланишини ва табиатни ўрганишда, радиотўлқинларнинг тарқалишини аниқлашда ишлатилади. Р. Ер сунъий йўлдошлари, қитъалараро ракеталар, сайёралараро ст-ялар ва бошқаларнинг ҳаракатини кузатишда қўлланади.