Kimyoviy reaktivlar

Кимёвий реактивлар, кимёвий реагентлар — кимёвий реаксияларни амалга ошириш учун ишлатиладиган моддалар. Турлари: ўта тоза К.р.; кимёвий тоза К.р.; кимёвий анализ учун қўлланадиган тоза К.р.; тоза К.р., тозаланган К.р., техник К.р. Таркибига кўра, К.р., анорганиқ, органиқ ва радиоактив изотоплар билан нишонланган К.р.га, ишлатилишига кўра, органиқ — аналитик реагентлар, комплексонлар, фиксаналлар, рН — индикаторлар ва б.га бўлинади. К.р. солинган идиш ёрлиғи ёки ўралган қоғозга унинг тозалик даражаси, ишлатилиши, қўшимчалар миқдори ва сақланиш шарт-шароити ёзиб қўйилади. К.р.нинг аксарияти зақарли, тез алангаланади, баъзилари портлайди. Шу сабабли, К.р.ни ишлатишда ва сақлашда тегишли қоидаларга риоя қилиш зарур. Ҳавода тез бузиладиган айрим препаратлар водород ёки инерт газ тўлдирилган герметик ампулаларда, баъзилари керосинда (мас, ишқорий металлар — На, К) сақланади.