Ziyosfera

Refa bank

Рефа Караган банк, шунингдек Рефа банк номи билан ҳам машҳур (форсча: بانک رفاه‎‎, Банк Рефаҳ), Эроннинг йирик банкларидан бири саналади. Бош офиси Теҳронда жойлашган Рефа банк Эрон Ижтимоий хавфсизлик ташкилотига тегишли ва у томонидан назорат қилинадиган чакана хизматлар кўрсатиш банкидир. Рефа банк миллиондан ортиқ мижозларга тўлиқ маҳсулот ва хизматларни тақдим этади. Унинг СWИФТ манзили РЕФАИРТҲ.

Рефа банк
форсча: بانک رفاه‎‎
Асосий маълумотлар
Тури Очиқ аксиядорлик жамияти
Асос солинган 1960
Бойлиги
Активлари $11.3 млрд (2023)
Соф фойдаси $392 млн (2023)
Ходимлари 10 774
Раҳбарият Исмоил Лолақоний,
CЕО
Бош компанияси Фаровонлик ва ижтимоий ишлар вазирлиги
Сайти www.рефаҳ-банк.ир

Тарихи

Ишчилар банки

Рефа банк 1960-йилда Эрон ишчиларига асосий банк хизматларини кўрсатиш учун ташкил этилган. Ушбу хизматлар суғурта мукофотларини йиғиш, иш ҳақи ва пенсияларни тўлаш, ипотека ва жисмоний шахслар учун кредитларни ўз ичига олган. Рефа банк 1979-йилда Ислом инқилобидан бир йил ўтмасдан миллийлаштирилгунга қадар нотижорат банк ҳисобланган. Эрон Ислом Мажлиси томонидан қабул қилинган Миллийлаштириш қонуни билан банк мулки ҳукумат тасарруфига ўтди. Шунингдек, у тижорат банки сифатида қайта таснифланди.

Эгалиги

Эроннинг 1959-йилги молиявий бюджетининг 39-моддасига мувофиқ, Рефа банкнинг устав капитали 400 миллион Эрон риалини (5,7 миллион АҚШ долларидан сал кўпроқ) ташкил этган. Устав капитал тўлиқ Эрон Ижтимоий хавфсизлик ташкилоти томонидан шакллантирилган. Банк 1979-йилда миллийлаштирилган бўлса-да, унинг бошқаруви 1993-йилда Ижтимоий таъминот ташкилотига (ҳозирда Фаровонлик ва ижтимоий ишлар вазирлиги номи билан аталади) қайтарилди. 2001-йил март ойида банк капитали 1,961 миллиард риал (тахминан 250 миллион АҚШ доллари) га кўтарилди, шундан 94 фоизи Эрон Ижтимоий хавфсизлик ташкилоти томонидан тўлаган[1]. Ҳозирда банкнинг Беларусда Онербанк номли шўба банки фаолият кўрсатмоқда[2].

Санксиялар

2013-йил 6-сентябрда Люксембургдаги Европа Бош суди Эроннинг ядровий ва ракета дастурларини қўллаб-қувватлагани учун Рефа банкка қарши 2010-йилдан бери амалда бўлган Европа Иттифоқи санксияларини бекор қилиш тўғрисида қарор чиқарди. Суд қарори Европа Иттифоқи санксиялар сабабини тушунтира олмагани учун қабул қилинди[3][4]. 2016-йил ҳолатига кўра, Европа Иттифоқининг банк активларини музлатиш қарори ҳали ҳам амалда эди[5].

Ислом банкчилик

Эрондаги барча банклар 1983-йилда Эрон Ислом Мажлиси томонидан қабул қилинган Эроннинг Ислом банкчилиги қонунида кўзда тутилган банк тамойиллари ва амалиётларига амал қилишлари керак[6]. Ушбу қонунга кўра, банклар фақат фоизсиз исломий операцияларни амалга ошириши мумкин (фоиз судхўрлик ёки рибо ҳисобланади ва Ислом дини ва Қуръони карим томонидан тақиқланган). Қонун улушдан „фойда олиш“ эвазига товар ва хизматлар алмашинувини ўз ичига олган тижорат операциялари амалга ошириш имконини беради. Бу каби барча операциялар Музораба, Форуш ағсати, Жоала, Салаф ва Қарз ҳасана каби исломий шартномалар орқали амалга оширилади. Ушбу шартномалар ва тегишли амалиётлар тафсилотлари Эроннинг Фоизсиз банк қонунчилиги ва унинг кўрсатмаларида келтирилган.

2007-йил июл ойида банк „Олтин тангалар депозит ҳисоби“ номли янги банк хизматини ишга туширди[7]. Ушбу янги хизмат орқали Рефа банк мижозлари олтин тангаларини махсус депозит ҳисобварағига қўйишлари ва бунинг эвазига балларни олишлари мумкин, кейинчалик ушбу баллар келажакда кредитлар ва қарзларга алмаштирилиши мумкин. Эрон ОАВда катта эътироф этилган ушбу ноёб омонат ҳисобининг очилиши Эрон президенти Маҳмуд Аҳмадинажоднинг президент нутқида ҳам тилга олинди[8].

Банк бошқарув раиси Пайман Нури 2007-йилнинг март ойида унинг банкига Эрон Марказий банки томонидан халқаро кредит карталарини чиқариш ваколати берилганини эълон қилди[9].

Молиявий рақамлар

2010-йил 16-июн ҳолатига кўра (1 АҚШ доллари 10 400 Эрон риалига тенг)[10]:

  • Жами активлар = 41,453 млрд риал
  • Капитализация = 895 млрд риал
  • Жами даромад = 1,614 млрд риал
  • Жами кредитлар = 29,441 млрд риал
  • Жами депозитлар (қисқа ва узоқ муддатли) = 25,719 млрд риал
  • Филиаллар сони = 1128
  • Ходимлар сони = 9570
  • Бозор улуши = жами депозитларнинг 6,8% ва жами кредитларнинг 5%

Ҳозирги бошқарув раиси ва бошқарув аъзолари

  • Доктор Исмоил Лолақоний, Бошқарув раиси
  • Воҳид Хонларий
  • Нажот Аминий
  • Мустафо Саргулзаий
  • Ҳамидризо Фатҳи Бейранванд

Муҳим бинолари

  • Валиаср биноси — Теҳрон, Валиаср шоҳ кўчаси, 2584-уй
  • Пардис биноси — Теҳрон, Шероз Шомали, 40-уй

Бошқарув раисининг тўловлар бўйича мунозараси

2016-йил июн ойида маъмурларнинг ҳуқуқ ва имтиёзлари ҳақидаги янгиликлар сайтида банк бошқарув раиси (Али Сидқий)нинг даромадлар ҳақидаги янгиликлар релизи тез-тез тортишув ва мунозараларга сабаб бўлди.

Ахборот технологиялари

Рефа банк 1970-йилларнинг бошида ўзининг биринчи маълумотларни қайта ишлаш бўлимини ташкил этди. Маълумотларни қайта ишлаш бўлими кичик ИБМ 370 Маинфраме компютери билан жиҳозланган бўлиб, қурилма асосан депозит ва ипотека ҳисобларини пакетли қайта ишлаш учун фойдаланилган. Кейинчалик 1976-йилда банкнинг ахборот технологиялари бўлими тугатилди ва унинг ходимлари Эрон Ижтимоий хавфсизлик ташкилотининг (ИССО) ИТ бўлимига кўчирилди. Ўша пайтда АҚШнинг Электрон маълумотлар тизимлари (Элеcтрониc Дата Сйстемс, ЭДС) Эрон Ижтимоий хавфсизлик ташкилоти учун ижтимоий хавфсизлик дастурини ишлаб чиққан ва ИССО ахборот марказини бошқарар эди. 1978-йилдаги инқилобдан кейин ИССО ва ЭДС билан тузилган шартнома бекор қилинди. Рефа банк ИССО ахборот марказидан фойдаланишни тўхтатди ва маълумотларга ишлов бериш жараёни қўлда амалга оширишга қайтарилди. Барча тузилмалар ва банк филиалларига мижозлар ва ҳисоб китобларини қоғозда ташкил этиш топширилди.

Бир неча йил ўтгач, 1988-йилда банкнинг ўша пайтдаги бошқарув раиси Муҳаммад Ҳуссайн Козимий Намин банк учун биринчи шахсий компютерни сотиб олди. Кейин у ИТ-мутахассислар гуруҳини ишга олди ва маълумотларни қайта ишлаш бўлимини қайта ташкил этди. Бир йил ўтгач, у катта сармоя киритди ва Бирлашган Қиролликдан ИБМ 4381 Маинфраме компютерини сотиб олди. Ўшандан бери банкнинг ИТ бўлими бир нечта кичик ва катта компютерлар ва дастурий таъминот тўпламларини сотиб олди, ишлаб чиқди ва жорий қилди. Бироқ, саъй-ҳаракатларга қарамай, унинг ИТ инфратузилмаси ва тизимлари замонавий ғарб ва минтақа банкларидан анча орқада эди. Малакали ИТ-ресурсларнинг етишмаслиги, юқори тезликда маълумотлар узатиш линияларининг мавжуд эмаслиги, етарли даражада сармоялар, ёмон ИТ раҳбарияти ва хорижий санксиялар Эрон банкларида маълумотларни қайта ишлашнинг секин ривожланишига сабабчи бўлди ва Рефа банк ҳам бундан мустасно эмас.

2007-йилнинг баҳорида Рефа банк Теҳронда иккита банкомат ва тўртта ахборот киоскаси бўлган ўзининг биринчи банк ходимисиз филиалини очди. Ушбу филиал Теҳроннинг Катта бозори яқинидаги Галубандакда жойлашган.

Рефа банк Теҳрон ва бошқа шаҳарлардаги филиалларида 500 дан ортиқ банкоматлар ўрнатди. Банкоматлар тармоғи Эроннинг Шитоб тармоғига уланган бўлиб, мижозларга мамлакатдаги исталган банкоматдан нақд пул ечиб олиш имконини беради.

Яна қаранг

Манбалар

  1. ↑ „Генерал информатион абоут тҳе банк“. Банк Рефаҳ. 2003-йил 10-ноябрда асл нусхадан архивланган.
  2. ↑ „Иран?с Онербанк регистеред ин Беларус - Эcономй / Неwс / Беларус Неwс | Беларусиан неwс | Беларус тодай | неwс ин Беларус | Минск неwс | БЕЛТА - Беларус Неwс | Беларусиан неwс | Беларус тодай | неwс ин Беларус | Минск неwс | БЕЛТА“. неwс.белта.бй. 2011-йил 6-июлда асл нусхадан архивланган.
  3. ↑ Жамес Кантер. „Э.У. Wронглй Импосед Санcтионс он 7 Ираниан Cомпаниэс, Cоурт Рулес“. Неw Ёрк Тимес (2013-йил 6-сентябр). Қаралди: 2013-йил 6-сентябр.
  4. ↑ „Тҳе Генерал Cоурт аннулс тҳе аcц оф тҳе Cоунcил фреэзинг тҳе фундс оф севен cомпаниэс анд оне персон ин cоннеcтион wитҳ тҳе рестриcтиве меасурес такен агаинст Иран wитҳ тҳе аим оф превентинг нуcлеар пролифератион“. Генерал Cоурт оф тҳе Эуропеан Унион (2013-йил 6-сентябр). Қаралди: 2013-йил 6-сентябр.
  5. ↑ „Эуропеан Унион анд Унитед Кингдом Санcтионс Упдате: Марч 2016“. К&Л Гатес (2016-йил 17-март). Қаралди: 2016-йил 21-май.
  6. ↑ „Иран'с интерест-фреэ банкинг лаw“. Cентрал Банк оф Иран. 2007-йил 3-февралда асл нусхадан архивланган. Қаралди: 2023-йил 15-апрел.
  7. ↑ „Банк Рефаҳ'с Голд Депосит Аccоунт“. Банк Рефаҳ. 2007-йил 28-сентябрда асл нусхадан архивланган.
  8. ↑ „Маҳмоуд Аҳмадинежад спеакс ат Банк Рефаҳ'с cеремонй“. Банк Рефаҳ. 2007-йил 28-сентябрда асл нусхадан архивланган.
  9. ↑ „Банк Рефаҳ то Иссуэ Интернатионал Cредит Cардс“. Иран Даилй, Марч 8, 2007. 2007-йил 30-сентябрда асл нусхадан архивланган.
  10. ↑ „Банк Рефаҳ'с финанcиал статеменц ас оф Марч 20, 2005“. Банк Рефаҳ. 2006-йил 24-сентябрда асл нусхадан архивланган.

Ҳаволалар

"https://new.ziyosfera.uz/ziyo/19914441" dan olindi