Refik Muzafarov
Рефик Ибраҳимович Музафаров (қрим-татарча: Рефиқ Ибраим оğлу Музафаров, 1928-йил 18-апрел Биюк-Асс Ак-Шайх (Раздолненский) тумани – 2011-йил 20-декабр) – филология фанлари доктори, профессор. Қрим-татар Халқ Мажлиси иккинчи Қурултойи делегати, Қрим-татар Халқ Мажлисининг биринчи чақирув депутати, маданият, тил ва дин масалалари билан шуғулланган.
| Рефик Ибраҳимович Музафаров | |
|---|---|
| Таваллуди |
18-апрел 1928-йил Биюк-Асс, Ак-Шайх (Раздоленский), Қрим Автоном Совет Социалистик Республикаси, РСФСР, СССР |
| Вафоти |
20-декабр 2011-йил (83 ёшда) Симферопол. Украина |
| Фуқаролиги |
 СССР →  Украина |
| Соҳаси | Қрим-татар фолклори |
| Таълими | Тошкент давлат педагогика институти |
| Илмий даражаси | Филология фанлари доктори |
| Илмий унвони | Профессор |
Рефик Музафаров 1928-йил 18-апрелда туғилган. У кўп сонли қрим-татарлар қатори Ўзбекистонга кўчирилган. Чирчиқ шаҳрида яшаган.
1960-йилда номзодлик, 1967-йилда Бокуда Қрим-татар фолклори бўйича докторлик диссертациясини ҳимоя қилган.
1967-йил июн ойида филология фанлари доктори Музафаров Кремлда Андропов, Шчелоков, Руденко ва Георгадзе томонидан ташкил этилган Қрим-татар Халқ Мажлиси делегацияси таркибида эди.
Рефик Музафаровнинг меҳнат фаолияти давомида унга нисбатан турли хил кўринишда босимлар ўтказилган. 10 га яқин олий ўқув юртидан турли баҳоналар билан ишдан бўшатилган.
У ўша пайтда СССРда қрим-татар филологияси бўйича илмий даражага эга бўлган ягона мутахассис бўлган. У ёзган китоб ва мақолалар нашр этилмаган. Унинг китобларидан бири Қозон университети нашриёти томонидан нашрга тайёрланади, аммо чоп этилмайди.
У Улуғ Ватан уруши йилларида қрим-татар халқи, депортация жойларидаги вазият ҳақида материаллар тўплаган.
1987-йилда у рафиқаси билан Қримга қайтиб келди. 1990-йилда Феодосияда қрим-татар ва рус тилларида нашр этиладиган „Ватан“ журналига асос солади. Қрим-татарларнинг „Ватан“ маданий-маърифий ва илмий тадқиқот маркази директори бўлган.
2 жилддан иборат „Қрим-татар энсиклопедияси“ни яратди. Ушбу энсиклопедияни Рефикнинг укаси профессор Нуззет Музафаров ўз маблағи ҳисобидан нашр эттирди.
1990—1994-йилларда „Ватан“ журналининг 36 та сони чоп этилди.
Рефик Ибраҳимович Музафаров 2000-йилда Қрим Автоном Республикаси мукофотини қўлга киритади[1].
Рефик Музафаров вафотидан сўнг, 2011-йил 21-декабр куни Ақмесжит – Кебир-Жоми марказий масжидида Қрим муфтийси ҳожи Эмирали Аблаев бошчилигидаги муфтийлик вакиллари, қариндошлар, дўстлар иштирокида жаноза намози ўқилди[2].
Манбалар
- ↑ „Решение Президиума Верховной Рады Автономной Республики Крым за 2000 г.“. Государственный Совет Республики Крым. 2021-йил 8-августда асл нусхадан архивланган. Қаралди: 2022-йил 24-май.
- ↑ „В Кебир-Джами попрощались с Рефиком Музафаровым“. ЦЕНТРАЛИЗОВАННАЯ РЕЛИГИОЗНАЯ ОРГАНИЗАЦИЯ ДУХОВНОЕ УПРАВЛЕНИЕ МУСУЛЬМАН РЕСПУБЛИКИ КРЫМ И г.СЕВАСТОПОЛЬ (ТАВРИЧЕСКИЙ МУФТИЯТ) Официальный сайт (2011-йил 23-декабр). 2020-йил 24-сентябрда асл нусхадан архивланган. Қаралди: 2020-йил 10-май.