Reysmas

Рейсмас, рейсмус (нем. реипен — чизмоқ ва сар — ўлчов) — ёғоч ёки металл деталлар тайёрлаш учун заготовкаларни режалашда қўлланиладиган чизмачилик асбоби. Металларга ишлов беришда Р. масштабли чизғичдан заготовкага ўлчамларни кўчириш, режа чизиқлари чизиш, чизиқли ўлчамларни ўлчаш учун ишлатилади. Бундай Р. чизғич маҳкамланадиган қисқичли устунча (стойка) дан иборат. Р. ёрдамида режалашни тезлаштириш ва аниқлигини ошириш учун штангенрейсмасдан фойдаланилади. Дурадгорликда ишлатиладиган Р. 2 та бир-бирига параллел қисмлари бўлган қолипдан иборат. Бу қисмларнинг бир учида режа чизиқлари чизиш учун чизғичлар бўлади.