Rizo Fozil

Ризо Фозил Эмирович
Таваллуди	30-май 1928-йил; Қрим АССР, РСФСР, Қорасубозор тумани, Барин қишлоғи
Вафоти	26-ноябр 2016-йил; (88 ёшда)
Фуқаролиги
Касби	ёзувчиси, журналист
Фаолият йиллари	1964-2016
Мукофотлари	Ўзбекистон ССРда хизмат кўрсатган маданият ходими (1973), Қрим автоном республикасида хизмат кўрсатган артист (2010)

Ризо Фозил Эмирович (1928-йил 30-май, Қрим АССР, РСФСР, Қорасубозор тумани, Барин қишлоғи — 2016-йил 26-ноябр, Қрим Республикаси, Симферопол) — Қрим татар ёзувчиси ва журналисти. Ризо 2008—2016-йилларда Қрим-татар ёзувчилар уюшмаси раиси бўлган. 1973-йилда эса у Ўзбекистон ССРда хизмат кўрсатган маданият ходими, 2010-йилда Қрим автоном республикасида хизмат кўрсатган артист унвонига сазовор бўлган.

Таржимаи ҳол

Ризо Фозил 1928-йил 30-майда Қрим автоном республикасининг Қорасубозор тумани, Барин қишлоғида дунёга келади.1944-йилда Қримдан сургун қилинган қрим татарларининг бир қисми билан биргаликда Кострома вилоятининг Макаревский туманига кўчирилади. 1955-йилда Кострома савдо билим юртини тамомлаган. 1959-йилда Самарқанд савдоси институтининг иқтисод факултетига ўқишга киради. Олий ўқув юртини тамомлагач, бир муддат Қирғизистоннинг Ўш шаҳрида универмагда аудитор ва бош ҳисобчи бўлиб ишлаган.^[1]

1965—1980-йилларда Тошкент қрим-татар “Ленин байроғи” газетасида адабий ходим, таржимон, бўлим бошлиғи бўлиб ишлаган ва Қримга қайтган. 1980—1994-йилларда “Йилдиз” (Юлдуз) журнали нашриётида ше’рият бўлимини бошқарган, мас’ул котиб бўлган.

2008-йилда Қрим-татар ёзувчилар уюшмасини бошқарган^[2]. Қрим-татар адабиётини оммалаштириш билан шуғулланган.

У 2016-йил 26-ноябр Сиферополда Каменка микротуманидаги мусулмонлар қабристонига дафн этилган.

Ижодий фаолияти

Ризо Фозил ўзининг илк ше’рларини 1964-йилда “Ленин байроғи” газетасида чоп этган^[1]. 1970-йилда унинг “Наврўз” ше’рий тўплами номи билан нашр этилган. Халқ оғзаки ижодини ўрганиш билан шуғулланган, 1971-йилда қрим-татар тилида “Қайда бирлик – анда тирилик” (“Бирлик бор жойда куч бор”) маталлар тўпламини нашр эттирган. 1976-йилда фронтчи аёллар ҳақидаги “Аналар ёш экан” (“Оналар ёшлик чоғида”) очерклар тўпламини нашр эттирди. Қрим-татар адабиёти бўйича “Тувган эдебият” (“Маҳаллий адабиёт”) дарслиги, Ашиқ Умернинг “Саилама Есерлер” номли икки жилдлик “Сайланма асарлар” тўпламини тайёрлаган. Сафтер Нагаев билан биргаликда “Қримтатар эдебият тарихина бир назар” (“Қрим-татар адабиёти тарихига назар”) китобини нашр эттирди.

Қримда имом Абдулвоит Сахтара билан бирга “Буюрйнйз дуага!” ва Қур’он қрим-татар тилига таржимасини қилди.^[3]

Унвон ва мукофотлар

Ўзбекистон ССРда хизмат кўрсатган маданият ходими (1973-йилда)
Қрим автоном республикасида хизмат кўрсатган артист (2010-йилда)
Қрим-татар тилида энг яхши асар учун Ашраф Шомизода номли мукофот (2009-йилда)
Шоир Мустафо Жавҳарий асарларини нашр этгани учун — Қрим автоном республикасининг адабиёт соҳасидаги мукофоти (2011-йилда)

Манбалар

↑ ^1,0 ^1,1 Риза Фазыл // Писатели Советского Узбекистана. Библиографический справочник, Ташкент, 1977
↑ Помер письменник, який пережив депортацію
↑ Фазыл Риза Эмирович Вечноснами.ру

Адабиётлар

- Къырымтатар эдиплери. Симферополь. Таврия. 2000 г.
- Писатели Советского Узбекистана. Библиографический справочник, Ташкент, 1977

[ПСУ-1] 1,0 ^1,1 Риза Фазыл // Писатели Советского Узбекистана. Библиографический справочник, Ташкент, 1977

[2] Помер письменник, який пережив депортацію

[3] Фазыл Риза Эмирович Вечноснами.ру

[1]

[2]

[3]