Robert Boyle

Роберт Бойле (1627.25.1, Лисмор, Ирландия — 1691.31.12, Лондон) — инглиз кимёгари ва физиги. Лондон Қироллик жамияти таъсисчиларидан бири. Кимёвий элементнинг илмий таърифини берган, кимёга экспериментал усулни киритган, кимёвий анализга асос солган. Кимёнинг фан сифатида шаклланишига катта ҳисса қўшган. Бойле „Кимёскептик“ китобида кимё асл бўлмаган металларни олтинга айлантириш, шунингдек дорилар тайёрлаш усулларини излаш билан эмас, балки мустақил фан бўлиши керак, деб айтади. Газ қонунларидан бири (Бойл — Мариотт қонуни)на яратган (1662). Ёруғлик, электр, иссиқлик, акустик ҳодисаларни тадқиқ қилиш билан ҳам шуғулланган. Бойле дунёқараши қарама-қаршиликлардан холи бўлмаган; фалсафада идеализмга мойил бўлган.

Адабиётлар

• ЎзМЕ. Биринчи жилд. Тошкент, 2000-йил