Robert Huber

Хубер Роберт (1937.20.2, Мюнхен) — немис биокимёгари. Мюнхен техника университетини тугатган (1960). Мартинсриддаги (Мюнхен яқинида) М.Планка номидаги Жамиятнинг биокимё институтида ишлайди (1978-йилдан институт директори). Асосий илмий тадқиқотлари мураккаб биоорганик бирикмалар, шу жумладан, оқсилларнинг рентгеноструктуравий анализига оид. 1970-йилда иммуноглобулинларнинг учламчи тузилишини юқори даражада аниқлашга эришган. 1982-йилда йилДайзенхофер билан ҳамкорликда мембранали интеграл оқсилнинг уч ўлчамли тузилишини аниқлаган. Нобел мукофоти лауреати (1988; Й. Дейзенхофер ва Х. Михел билан ҳамкорликда).