Rollton

Роллтон — озиқ-овқат маҳсулотларининг халқаро бренди. Ушбу брендга Маревен Фоод Ҳолдингс томонидан эгалик қилинади ва маҳсулотлари Шарқий Европа, МДҲ, Европа Иттифоқи, Африка ва Осиё мамлакатларида сотилади^[1]. Роллтон бренди остида тез тайёрланадиган угра, анъанавий макарон, тухумли макарон, картошка пюреси, шўрва, булён ва зираворлар ишлаб чиқарилади. Бренд йилига 1 миллиарддан ортиқ маҳсулотни сотувга чиқаради. Роллтон логотипида юрак рамзи тасвирланган. Бозордаги энг йирик рақобатчиси Жанубий Кореянинг Доширак бренди ҳисобланади^[2]^[3].

Тарихи

1998-йилда Роллтон савдо уйи томонидан бошқариладиган ташкилот тузилди, унинг эгаси минтақанинг трансмиллий компанияси бўлиб, уни ишлаб чиқариш учун автоматик линиялар билан иккинчи корхона қурилиши бошланди, у 2001-йилда ишлай бошлади.

Ҳозирда таниш бўлган тез тайёрланадиган угралар 1999-йилда ишлаб чиқарилиб, Роллтон бренди маҳсулотлари тарихини бошлаб берган.

2001-йилда эса картошка пюреси ишлаб чиқарила бошланди.

2002-йилда Роллтон юмшоқ қадоқдаги булёнини оммага тақдим этди^[4].

2013-йилда у анъанавий макарон ишлаб чиқаришни бошлади^[5]. 2020-йилда Роскачество томонидан ўтказилган текширув натижаларига кўра, Роллтоннинг пенне макарони Россия бозорида энг яхши макарон деб топилган^[6].

2005-йилда Роллтон маҳсулотлари Россиядан ташқари дунёнинг 18 та давлатига, жумладан, МДҲ ва Болтиқбўйи мамлакатлари, Германия, Греция, Монголия, Руминияга етиб келди. Ва 2005-йилнинг ёзида, биринчи марта, Роллтон Жанубий Африкага кириб келди.

2021-йил ҳолатига кўра, Роллтон бренди остида 94 турдаги маҳсулот ишлаб чиқарилмоқда^[7].

Ишлаб чиқарувчиси

1998-йилдан 2007-йилгача бўлган муддатда Роллтон бренди остидаги маҳсулотлар ДҲВ-С компанияси томонидан ишлаб чиқарилган.

2007-йилдан бошлаб эса Роллтон ДҲВ-Снинг вориси Маревен Фоод Cентрал МЧЖ (Россия) томонидан ишлаб чиқарилмоқда ва сотилмоқда^[8].

2011-йилда Маревен Фоод Ҳолдингс 100 % хорижий сармоя билан Маревен Фоод Эуропе (Украина) заводини очди ва натижада Роллтон бренди остида маҳсулот ишлаб чиқариш кенгайди.

2016-йилда Маревен Фоод Тиэн Шан (Қозоғистон) макарон ва ярим тайёр маҳсулотлар ишлаб чиқариш заводи қурилиши бошланди^[9]. 2018-йилнинг апрел ойида илк маҳсулотлар муваффақиятли ишлаб чиқарила бошланди.

2018-йилда Ўзбекистоннинг Тошкент шаҳрида Маревен Фоод Cентрал МЧЖ ваколатхонаси очилди.

Рейтинг ва мукофотлари

• 2007-йилда Роллтон Форбеснинг 50 та энг машҳур рус брендлари рўйхатида 37-ўринни эгаллади^[10];

• 2007-йилда 50 энг кўп сотилган рус брендлари рейтингида Роллтон 38-ўринни эгаллади^[11];

• 2009-йилда Форбеснинг 50 та энг машҳур рус брендлари рўйхатида 21-ўринни эгаллади^[12];

• 2020-йилда Роллтон таниқли товар белгиси сифатида тан олинди^[13];

• Роллтон Бранд Фоотпринт 2021 да Россиянинг энг яхши 10 та бренди рўйхатига кирди^[14];

• 2021-йилда Роллтон маҳсулотлари „Сифат кафолати-2021“ озиқ-овқат сифати танловида олтин ва кумуш медалларни қўлга киритди^[15];

• 2021-йилда Роллтон компанияси Онлине Маркет Интеллигенcе компаниясининг йиллик тадқиқотида „Тез тайёрланувчи овқатлар: угра, шўрвалар, картошка пюреси“ тоифасида биринчи ўринни эгаллади^[16].

Манбалар

Ҳаволалар

[1] Рус газетаси

[2] „Роллтон“ маҳсулот ишлаб чиқариш бўйича „Доширак“ни ортда қолдирди

[3] Доширак Россия бозорида Роллтонни ортда қолдирди

[4] Роллтоннинг янги маҳсулоти. Коммерстант журнали

[5] „Маревен Фоод Cентрал макарон ишлаб чиқаришни ўзлаштирди.Серпухов вилояти маъмуриятининг расмий веб-сайти“. 16-август 2018-йилда асл нусхадан архивланган. Қаралди: 26-июн 2022-йил.

[6] Роскачество энг яхши макаронни номлади

[7] Бизнинг маҳсулотларимиз. Роллтон

[8] ДҲВ-С, Роллтон ишлаб чиқарувчиси одатдаги маҳсулотларидан четга чиқди. Cомпоситион.ру

[9] Ветнамлик инвесторлар Олмаота вилоятида макарон ва ярим тайёр маҳсулотлар ишлаб чиқарувчи завод қурадилар. ЗонаКЗ интернет газетаси.

[10] „50 энг машҳур брендлар 2007“ рейтинги. Форбес

[11] Бренд рейтинги. Форбес

[12] „50та энг машҳур брендлар 2009“ рейтинги. Форбес

[13] Роллтон таниқли товар белгиси сифатида тан олинди. Закон.ру

[14] Бранд Фоотпринт 2021 глобал рейтинги

[15] Маревен маҳсулотлари „Сифат кафолати-2021“ танловида олтин медалга эга бўлди. Рус газетаси

[16] „Роллтон“ 2021-йилда руслар орасида машҳурлиги бўйича „Доширак“ни ортда қолдирди^{[сайт ишламайди]}

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]