Rustam Madumarov
- Vikipediyada ismi Rustam va familiyasi Madumarov boʻlgan boshqa kishilar haqida ham maqolalar mavjud.
Rustam Tojiddinovich Madumarov (Rustam Tojiddinovich Madumarov, 1976-yil 26-mart, Toshkent shahri) – oʻzbekistonlik sobiq qoʻshiqchi va tadbirkor. „Dado“ musiqiy guruhi aʼzosi. Oʻzbekistonning birinchi prezidenti Islom Karimovning katta qizi Gulnora Karimovaning fuqaroviy eri boʻlgan. Karimova bilan birga yirik moliyaviy jinoyatlarda aybdor deb topilgan. 2016-yilda Panama hujjatlarida keltirilgan 104 nafar oʻzbekistonlik ofshor egalaridan biri[1].
| Rustam Tojiddinovich Madumarov | |
|---|---|
| Tavalludi |
1976-yil 26-mart |
| Fuqaroligi |
 Oʻzbekiston |
| Kasbi |
Qoʻshiqchi Tadbirkor |
| Faoliyat yillari | 1999—2012 |
| Turmush oʻrtogʻi | Gulnora Karimova |
| Qarindoshlari | Akasi: Alisher Madumarov |
| Veb-sayti | dado.uz |
Bolaligi va taʼlim
1977-yil 26-martda Toshkent shahrida tugʻilgan. Millati tojik. Yunusobod tumanidagi 240-maktabda oʻqigan. 1998-yilda Toshkent axborot texnologiyalari universitetini tugatgan. Universitetda oʻqish bilan birga ishlab chiqarish korxonasi ishchisi boʻlgan[2].
Musiqiy faoliyati
1996—1999-yillarda „Anor“ musiqiy guruhining aʼzosi boʻlgan[2][3]. 1999-yilda akasi Alisher Madumarov bilan birga „Dado“ musiqiy guruhiga asos solgan[4][5][6][7].
Tadbirkorlik faoliyati va jinoyat ishi
Gulnora Karimova yordamida, Alisher Madumarov, Gayane Avakyan bilan birgalikda media mahsulotlar ishlab chiqarish va savdosiga ixtisoslashgan „Nirvana“, „Terra Group“, „Prime Media“, „Gamma Promotion“ shirkatlariga asos solgan[8].
2014-yil 17-fevral kuni qamoqqa olingan. Oʻzbekiston Respublikasi Bosh prokuraturasi tomonidan jinoiy faoliyatdan kelgan daromadlarni legallashtirish, soliq toʻlashdan boʻyin tovlash hamda millionlab dollar qiymatga ega mulkni oʻgʻirlash aybi bilan jinoiy ish qoʻzgʻatilgan[9]. Bosh prokuratura tergov davomida Madumarov yetakchilik qilgan uyushgan jinoiy guruhning 12 davlat hududida bir yarim milliard dollarga yaqin „legallashtirilgan mablagʻi“ aniqlanganini eʼlon qilgan[10]. 2017-yil 24-may kuni Harbiy sud qarori bilan 10 yillik qamoq jazosiga hukm qilingan. Keyinchalik uning jazo muddati olti yilga qisqartirilgan[11][1]. 2023-yilning boshlarida ozodlikka chiqqan. Shu yil 1-oktyabr kunida Rustam Madumarov Gonkongda qamoqqa olingani aytilgan[12].
Shaxsiy hayoti
2000-yildan buyon Oʻzbekistonning birinchi prezidenti Islom Karimovning katta qizi Gulnora Karimova bilan yaqin aloqalarda boʻlgani, Karimova bilan 2008-yilda qisqa muddat rasman nikohda boʻlganligi aytiladi[13].
Manbalar
- ↑ 1,0 1,1 „Rustam Madumarov nomi "Panama hujjatlari"da“.
- ↑ 2,0 2,1 „Rustam Madumarov (o sebe)“.
- ↑ „Rustama Madumarova i Gayane Avakyan osudili na dlitelьnыe sroki“.
- ↑ „Dado“.
- ↑ „Gulnoraning sheriklari: savol va javoblar“. BBC Uzbek (2015-yil 15-iyul). Qaraldi: 2020-yil 17-may.
- ↑ Mirovalev, Mansur. „Uzbekistan: President's daughter and the Panama Papers“. Al Jazeera (2016-yil 12-may). Qaraldi: 2020-yil 17-may.
- ↑ Luke Heighton; Edward Malnick. „Fears that 'dirty money' paid for Uzbek dictator's daughter's £17m Mayfair and Belgravia homes“. The Daily Telegraph (2017-yil 2-dekabr). Qaraldi: 2020-yil 17-may.
- ↑ „Rukovodstvo media-xoldinga «Terra Group» obvinyayut v legalizatsii prestupnыx doxodov i uklonenii ot uplatы nalogov“.
- ↑ „Soratniki docheri prezidenta Uzbekistana poluchili dlitelьnыe tyuremnыe sroki“.
- ↑ „Gulnora Karimovaga nisbatan ikkita jinoyat ishi qoʻzgʻatilgan — Bosh prokuratura“.
- ↑ „Gulnara Karimova & Rustam Madumarov“. 2023-yil 8-noyabrda asl nusxadan arxivlangan. Qaraldi: 2023-yil 8-noyabr.
- ↑ „Exclusive: Uzbek Man Linked To Ex-President's Daughter Arrested Allegedly Trying To Get Money From Hong Kong Bank“.
- ↑ Moldalieva, Kaiyrgul „Gulьnara Karimova s zaplыvshimi ot bogatstva glazami, chьya jiznь bogata na pesni i skandalы“. Gezitter (2015-yil 23-yanvar). 2020-yil 25-oktyabrda asl nusxadan arxivlangan. Qaraldi: 2020-yil 17-may.