Saarland

Саар — Олмония ерларидан биридир. Пойтахти - Саарбрücкен. Майдони - 2 568,7 км². 1 030 324 нафар аҳоли истиқомат қилади (2008).

Саар — Олмония ери. Мамлакатнинг ғарбий қисмида, Саар ва Мозел дарёлари ҳавзасида. Франсия ва Люксембург билан чегарадош. Майдони 2570 км². Аҳолиси 1,06 млн. киши (2001). Маъмурий маркази — Саарбрюккен ш. Саар — мамлакатнинг саноати ривожланган ерларидан. Иқтисодий фаол аҳолининг ярмидан ортиғи саноатда банд. Етакчи саноат тармоғи — оғир саноат (хусусан, тошкўмир, к,. Cаап-Лотарингия ко'мир ҳавзаси) ва металлургия. Шунингдек, умумий машинасозлик, электротехника, пўлат ва никел конструксиялар и.ч., тўқимачилик ва тикувчилик саноати корхоналари ҳам мавжуд. Қора металлургия саноатининг асосий марказлари: Фелклинген, Нёйнкирхен, Саарбрюккен шаҳарлари. Кимё ва нефтни қайта ишлаш саноатлари ҳам ривожланган. Автомобил вагонсозлик, ойнасозлик, шиша, керамика корхоналари бор. Истеъмол моллари ишлаб чиқарилади. Қишлоқ хўжалигида донли, сабзавот ва ем-хашак экинлари экилади. Токзорлар барпо қилинган. Чорвачиликда қорамол, чўчқа боқилади.

Ўтган асрларда Саар ҳудудида фафлик бўлган. 1815-йилдан Саар Пруссия (1871-йилдан Олмония империяси) таркибида. 1919-йилда Миллатлар Лигаси комиссияси бошқаруви остига ўтган. 1935-йилдан яна Олмонияга қўшилган. Иккинчи жаҳон урушидан кейин Саар Франсиянинг Олмониядаги оккупация зонаси эди. 1956-йилдаги Франсия ва Олмония ўртасида имзоланган шартномага мувофиқ, 1957-йил 1-январдан яна Германия таркибида.

Ҳаволалар

• Расмий сайти