Sadr
Садр (арабча: صدر — қалб, олд, кўкрак, тўр; кўпликда судур) — мусулмон мамлакатларидаги турли мансабдор шахсларнинг унвони. Бу унвон баъзан руҳонийларга ҳам берилган, уларга бутун давлатнинг ёки бирор вилоятнинг вақф ишларини бошқариш вазифаси юклатилган[1].
| Садр | |
|---|---|
| арабча: صدر |
ХИИ–ХИИИ асрларда Бухорода ҳукмронлик қилган Бурхонийлар Садри Жаҳон номи билан машҳур бўлган[1]. Бухоро хонлигида Бухоро шаҳри ва унинг атрофида 1 фарсах масофада жойлашган вақф мулклари бошқарувидаги муаммоларни ҳал этишда масъул киши садр деб аталади. Бухоро инқилобига қадар мазкур амалдор вазифаси ўзгаришсиз қолаверган. Садрлик лавозими хонликнинг барча вилоятларида бўлган[2]. Бухоро шаҳри бошқарувидан ташқаридаги мадрасалар фаолияти учун худди садрлар сингари вазифаларни бажарувчилар судур деб аталган[3].
ХВИ асрдан бошлаб Усмонли турк империясида ва ХИХ асрдан Эронда энг юқори мансабдор шахс (вазири аъзам) садр (садри аъзам) деб аталиб, бу унвон ХХ асрда тугатилган[1].
Манбалар
- ↑ 1,0 1,1 1,2 Ўзбек Совет энсиклопедияси 1977, с. 427.
- ↑ Жуманазар 2021, с. 67.
- ↑ Жуманазар 2017, с. 56–57.
Адабиётлар
- Жуманазар А. К. Бухоро таълим тизими тарихи. Тошкент: Академнашр, 2017 — 592-бет. ИСБН 978-9943-4728-2-2.
- Жуманазар А. К. Самарқанд таълим тизими ва мадрасалари тарихи. Тошкент: Ўзбекистон Республикаси Фанлар академияси „Фан“ нашриёти, 2021 — 520-бет. ИСБН 978-9943-6804-9-4.
- Ўзбекистон Совет энсиклопедияси. ИХ том. Тошкент: Ўзбек Совет энсиклопедияси бош редаксияси, 1977 — 651-бет.
Ҳаволалар
- „ṢАДР“ (инглизча). ираниcаонлине.орг (2005-йил 20-июл). Қаралди: 2024-йил 25-январ.