Saxaroza

Сахароза (ҳиндча саккҳара — қум, шакар қуми) — дисахаридлар гуруҳига мансуб углевод, C12Ҳ22О11, рангсиз кристалл модда. Мол. м. 342,296. Фотосинтезда, ўсимлик баргларида ҳосил бўладиган қанд. Углерод-C барг шираси билан бирга поя, мева ва илдизга оқиб тушиб тўпланади. C. қанд лавлагида (20—24% гача) ва шакарқамиш поясида (26% гача) бўлади. Суюқланиш температураси 185— 186°; 200° дан юқори трада парчаланади, сувда яхши, спиртда ёмон эрийди. Асосан, озиқ-овқат саноатида, шунингдек, сирт фаол моддалар олишда хом ашё сифатида ишлатилади.